پاکستانی وکٹ کیپر کا ٹانگوں سے کیچ، ایمپائر بھی حیران
دبئی: (سنو نیوز) دبئی میں جاری انڈر 19 ایشیاء کپ میں اتوار کو کھیلے گئے میچ میں پاکستان نے بھارتی ٹیم کو 8 وکٹوں سے شکست دے دی تھی۔ اس میچ میں پاکستان کے وکٹ کیپر نے ہاتھوں کی بجائے ٹانگوں سے کیچ لے کر سب کو حیران کر دیا۔
دبئی کے آئی سی سی اکیڈمی گراؤنڈ میں پہلے بیٹنگ کرتے ہوئے بھارت نے 9 وکٹوں کے نقصان پر 259 رنز بنائے۔ جواب میں پاکستان نے ہدف 47 اوورز میں دو وکٹوں کے نقصان پر حاصل کر لیا۔ پاکستان کی جانب سے اذان اویس نے 105 اور کپتان سعد بیگ نے 68 رنز کی ناقابل شکست اننگز کھیلی۔ اس کے ساتھ ہی شازیب خان نے بھی 63 رنز کی شاندار اننگز کھیلی۔ اس میچ میں ایک زبردست کیچ لیا گیا جس کی ویڈیو سوشل میڈیا پر وائرل ہو رہی ہے۔
بھارت کی بیٹنگ کے دوران پاکستان کے وکٹ کیپر سعد بیگ نے ایسا کیچ لیا کہ بلے باز کو یقین ہی نہیں آیا۔ اسپنر عرفات منہاس، جو اننگز کا 32 واں اوور کر رہے تھے، نے آف سٹمپ کے باہر اڑتی ہوئی گیند پھینکی۔
آدرش سنگھ نے اس گیند کو سوئپ کرنے کی کوشش کی لیکن گیند بلے باز کے اندرونی کنارے کو لے کر وکٹ کیپر تک جا پہنچی۔ چونکہ گیند نیچے تھی، بیگ نے بہت چالاکی سے گیند کو اپنی ٹانگوں کے درمیان پھنسایا۔
گیند نیچے نہیں گری اور بیگ نے اپنے دستانے اتارے اور اپنے ہاتھوں سے گیند کو پکڑ کر اپیل کی۔ یہ منظر دیکھنے کے بعد بلے باز کو یقین نہیں آیا۔ ایک موقع پر امپائر بھی دیکھتا رہ گیا۔ تاہم امپائر نے بلے باز کو آؤٹ قرار دے دیا۔
It’s all about catching the ball – it doesn’t matter how you do it 😄 (courtesy ACC) #Cricket #U19AsiaCup pic.twitter.com/lnLR3pJN9e
— Saj Sadiq (@SajSadiqCricket) December 10, 2023
سچن دھاس کی آخری اووروں میں 42 گیندوں میں تین چھکوں کی مدد سے 58 رنز کی اننگز کے باوجود ہندوستان 50 اوورز میں 9 وکٹوں پر 259 رنز ہی بنا سکا۔ کپتان ادے شرن (98 گیندوں میں 60 رنز) اور اوپنر آدرش سنگھ (62 رنز، 81 گیندوں) نے 20 اوورز میں 93 رنز کی شراکت داری کی، لیکن رن ریٹ بڑھانے میں ناکام رہے۔ مشیر خان (02) پہلے میچ کی کارکردگی کو دہرانے میں ناکام رہے۔
اس کے جواب میں پاکستان نے بائیں ہاتھ کے بلے باز اذان کی ناقابل شکست سنچری کی مدد سے 47 اوورز میں دو وکٹوں پر 263 رنز بنا کر ہدف حاصل کر لیا۔ انہوں نے 130 گیندوں میں 10 چوکوں کی مدد سے ناقابل شکست 105 رنز بنائے۔
اذان نے اوپنر شیزاب خان (88 گیندوں میں 63 رنز) کے ساتھ دوسری وکٹ کے لیے 110 رنز اور سعد بیگ (51 گیندوں پر 68 رنز، آٹھ چوکے، ایک چھکا) کے ساتھ صرف 19.1 اوورز میں تیسری وکٹ کے لیے 125 رنز جوڑے۔
یہ بھی پڑھیں:
ہندوستانی کپتان ادے نے سات گیند بازوں کا استعمال کیا لیکن صرف آف اسپنر مروگن ابھیشیک ہی دو وکٹیں لے سکے۔ مشیر باؤلنگ میں بھی ناکام رہے اور چار اوورز میں 32 رنز دیے۔ ہندوستان اپنا آخری گروپ لیگ میچ منگل کو نیپال کے خلاف کھیلے گا اور اسے سیمی فائنل کے لیے کوالیفائی کرنے کے لیے یہ میچ جیتنا ہوگا۔
پاکستان نے دو میچوں میں دو جیت درج کی ہیں اور اسے سیمی فائنل میں جگہ بنانے کے لیے بڑی شکست سے بچنا ہو گا۔ ہندوستان کے لیے جیت درج کرنا مشکل نہیں ہوگا، کیونکہ نیپال کی ٹیم اتنی مضبوط نہیں ہے اور وہ اپنے دونوں میچ ہار چکی ہے۔
