پانچواں ٹی 20: پاکستان اور نیوزلینڈ آج پھر مدمقابل ہوں گے

لاہور: (سنو نیوز) پاکستان اور نیوزی لینڈ کے درمیان پانچواں اور آخری ٹی ٹوئنٹی میچ آج لاہور کے قذافی اسٹیڈیم میں کھیلا جائے گا۔

سیریز میں نیوزی لینڈ کو پاکستان کے خلاف دو، ایک کی برتری حاصل ہے۔ لاہور میں بارش کے باعث مہمان ٹیم کا آپشنل ٹریننگ سیشن ممکن نہ ہو سکا۔

یہ بھی پڑھیں

ویسٹ انڈیز بمقابلہ پاکستان، پاکستان کو پہلےون ڈے میں 1 رن سےشکست

واضح رہے کہ چوتھے ٹی ٹوئنٹی میچ میں نیوزی لینڈ نے پاکستان کو 4 رنز سے شکست دے کر سیریز میں 2-1 کی برتری حاصل کرلی تھی۔

قذافی اسٹیڈیم میں کھیلے گئے میچ میں نیوزی لینڈ کی جانب سے دیے گئے 179 رنز کے تعاقب میں پاکستانی ٹیم مقررہ اوورز میں 8 وکٹوں کے نقصان پر 174 رنز بناسکی تھی۔

فخر زمان کی 61 رنز کی اننگز بھی رائیگاں گئی، صائم ایوب 20، کپتان بابر اعظم 5 رنز بنا کر پویلین لوٹ گئے تھے۔

عثمان خان 16 رنز بناسکے، شاداب خان 7 رنز بنا کر آؤٹ ہوئے، افتخار احمد نے 23 رنز بناسکے، عباس آفریدی ایک رن بنا کر رن آؤٹ ہوئے، اسامہ میر کو 5 رنز پر جمی نیشم نے بولڈ کیا۔ عماد وسیم 22 رنز کے ساتھ ناٹ آؤٹ رہے۔

نیوزی لینڈ کی جانب سے ولیم نے تین کھلاڑیوں کو پویلین کی راہ دکھائی، بین سیئرز دو اور مائیکل بریسویل نے ایک وکٹ حاصل کی۔