عوام کیلئے بڑی سہولت:سرکاری نرخ جاننے کے لیے ’درست دام سندھ‘ نامی ایپ متعارف
لاہور:(ویب ڈیسک) حکومت سندھ نے ’نیشنل انفارمیشن ٹیکنالوجی بورڈ‘ (این آئی ٹی بی) کے اشتراک کے ساتھ اشیائے خردونوش کے سرکاری نرخ جاننے کے لیے صارفین کی سہولت کے لیے ’درست دام سندھ‘ نامی ایپ متعارف کرادی۔
’درست دام‘ نامی ایپلی کیشن کو این آئی ٹی بی نے وزارت انفارمیشن ٹیکنالوجی کے تعاون سے پہلی بار اکتوبر 2019 میں دارالحکومت اسلام آباد کے شہریوں کی سہولت کے لیے متعارف کرایا تھا۔’درست دام‘ کی اسلام آباد میں کامیابی کے بعد 2020 میں اسے بلوچستان اور پنجاب کے مختلف شہروں کے لیے بھی پیش کیا گیا تھا۔
Grocery items available with no lag with the” Durust Daam” app, get in touch with the prices of essential commodities at administrative rates Download Now! Available in Islamabad, Baluchistan and Faisalabad @ShabahatAShah @MoitOfficial @DCFaisalabad @dpr_gob @dcislamabad pic.twitter.com/gTyvH7Pphd
— National Information Technology Board (NITB) (@NationalITBoard) January 17, 2020
اب اسی ایپ کو سندھ حکومت کے تعاون سے صوبے کے مختلف شہروں کے لیے پیش کردیا گیا، تاہم ایپلی کیشن کو تمام صوبے کے لیے پیش نہیں کیا گیا۔این آئی ٹی بی کی ٹوئٹ میں 16 مئی کو بتایا گیا کہ ’درست دام سندھ‘ ایپلی کیشن کو حکومت سندھ کے تعاون سے صوبے کے لیے پیش کردیا گیا۔
مذکورہ ایپلی کیشن کو ابتدائی طور پر صوبے کے صرف تین شہروں کے لیے پیش کیا گیا ہے۔ایپلی کیشن کو شمالی سندھ کے ضلع گھوٹکی کے علاوہ بدین اور دادو ضلع میں پیش کیا گیا ہے۔مذکورہ ایپلی کیشن کو دارالحکومت کراچی سمیت حیدرآباد، سکھر، میرپور خاص، نواب شاہ اور لاڑکانہ جیسے بڑے شہروں میں فوری طور پر پیش نہیں کیا گیا۔
Say goodbye to unfair #prices with 'Durust Daam Sindh' – the official app by the Government of Sindh! Designed and developed by the #NITB, it empowers you to take control against illegal profiteering. Join the movement for a more affordable #Sindh today! 📲💙 pic.twitter.com/MhCgibuiBx
— National Information Technology Board (NITB) (@NationalITBoard) May 16, 2023
’درست دام سندھ‘ ایپلی کیشن میں شہری یومیہ بنیادوں پر اشیائے خردونوش کے سرکاری نرخ معلوم کر سکیں گے اور اسی ایپ پر زیادہ دام پر چیزوں کو فروخت کرنے والے دکانداروں کی شکایات بھی درج کروا سکیں گے۔
حکومت کا دعویٰ ہے کہ ایپلی کیشن پر شکایات درج کرنے والے افراد کی شناخت خفیہ رکھی جائے گی جب کہ شہریوں کو یومیہ بنیادوں پر پھل، سبزیوں، دالوں، آٹے اور چاول سمیت انڈوں اور گوشت کے سرکاری نرخ معلوم ہو سکیں گے۔
’درست دام سندھ‘ کو بدین، گھوٹکی اور دادو میں متعارف کرائے جانے کے بعد ترتیب وار صوبے کے دیگر شہروں میں بھی متعارف کرایا جائے گا، تاہم یہ کہنا قبل از وقت ہے کہ دوسرے شہروں میں ایپلی کیشن کو کب تک پیش کیا جائے گا۔
صارفین ’درست دام سندھ‘ کی ایپلی کیشن کو گوگل پلے اسٹور سے ڈاؤن لوڈ کر سکتے ہیں۔
