سوارا بھاسکر نے بھارتی شہریوں اور بی جے پی کو آڑے ہاتھوں لے لیا
ممبئی: (ویب ڈیسک) بالی ووڈ اداکارہ سوارا بھاسکر نے اسلامو فوبیا واقعے پر بھارتی شہریوں اور بی جے پی کو آڑے ہاتھوں لے لیا۔
View this post on Instagram
اداکارہ سوارا بھاسکر نے حال ہی میں بھارت کے سکول میں ہونے والے واقعے کا ذکر کیا جہاں ٹیچر کی نگرانی میں ہندو طالبہ مسلم بچے کو تھپڑ مار رہے ہیں۔
View this post on Instagram
سوارا بھاسکر نے سماجی رابطے کی ویب سائٹ ایکس پر ٹویٹ کرتے ہوئے لکھا کہ (بی جے پی) کو ووٹ دینے والے بھارتی شہری جو اس واقعے پر حیرت کا اظہار کر رہے ہیں اور یہی لوگ گزشتہ ایک دہائی سے نفرت اور تعصب جیسے واقعات پر اپنی آنکھیں بند کئے ہوئے تھے، انہیں اب حیران ہونے کی ضرورت نہیں ہے۔
Dear ‘shocked’ fellow Hindu,
If you have voted for BJP, tried to be ‘objective’ or ‘neutral’ in the face of rank bigotry and hate, claimed to see ‘both sides’, remained silent in the face of all that has happened in the last decade.. then take your shock and stuff it uP some…— Swara Bhasker (@ReallySwara) August 25, 2023
انہوں نے طنزیہ انداز میں مزید لکھا کہ بھارتی شہریوں کو ایسے واقعات پر اپنی مذمت کہیں اور رکھنی چاہیے، آپ کو آج یہ دکھانے کا حق نہیں ہے کہ آپ ایک اچھے انسان ہیں۔
View this post on Instagram
اداکارہ نے بھارتیوں کے دوہرے معیار پر تنقید کی اور اسکول ٹیچر ترپتایاگی کی گرفتاری کا مطالبہ کر دیا۔ سوارا بھاسکر نے بھارتیا جنتا پارٹی (بی جے پی) کا بھی ذکر کیا اور مسلمانوں کے خلاف نفرت پر مبنی خیالات اور تشدد کو فروغ دینے میں سیاسی جماعت پر تنقید کی۔
View this post on Instagram
انہوں نے کہا کہ جب سے اس جماعت (بھارتیا جنتا پارٹی) نے اقتدار سنبھالاہے، اس نے بھارت میں مسلمانوں کے ساتھ بدسلوکی اور اسلامو فوبیا کی حمایت کی ہے۔
View this post on Instagram
یاد رہے کہ بھارت کی ایک خاتون اسکول ٹیچر کی ویڈیو سوشل میڈیا پر وائرل ہو رہی تھی جس میں وہ کلاس روم میں موجود طلبہ کو اپنے ہم جماعت مسلم طالب علم کو تھپڑ مارنے کا کہتی دکھائی رہی ہیں۔
View this post on Instagram
یہ ویڈیو بھارتی ریاست اترپردیش کی تھی جہاں ترپتا تیاگی نامی اسکول ٹیچر نے 7 سالہ محمد التمش کو سزا کے طور پر کھڑا کیا ہوا ہے اور استانی نیچے بیٹھے دیگر بچوں کو کہتی ہیں کہ مسلم طالب علم کو زور دار تھپڑ رسید کریں۔
ویڈیو میں 7 سالہ محمد التمش سب کے سامنے زاروقطار رو رہا ہے اور انتہائی خوفزدہ دکھائی دے رہا ہے۔
ویڈیو وائرل ہونے کے بعد خاتونی ٹیچر نے غلطی تسلیم کرتے ہوئے کہا کہ ویڈیو کو ایڈٹ کر کے وائرل کیا گیا، میں نے اصل میں جو بات کہی تھی وہ ساری بات کاٹ دی گئی ہے۔