شاہ رخ خان کے گھر کے باہرسیکیورٹی سخت کردی گئی
ممبئی:(ویب ڈیسک) ممبئی پولیس کی جانب سے بالی ووڈ کے سُپر اسٹار شاہ رُخ خان کے گھر ’منت‘ کے باہر اچانک سیکیورٹی کی تعداد میں مزید اضافہ کردیا گیا ہے ۔
تفصیلات کے مطابق اس حوالےسے بھارتی میڈیا کی رپورٹ میں یہ کہا گیا ہے کہ چند افراد نے آن لائن گیمنگ ایڈز کے خلاف شاہ رُخ خان کے گھر کے باہر احتجاج اور نعرے بازی کی جس پر ممبئی پولیس حرکت میں آگئی۔
Protest outside Shah Rukh Khan's house against his online gaming ad called Jungle Rummy Game.
The protesters said that these apps can misguide and corrupt the youth. pic.twitter.com/F8F7MyPCba
— The New Indian (@TheNewIndian_in) August 26, 2023
مظاہرین نےموقف اختیار کیاکہ شاہ رُخ خان نے آن لائن گیمنگ اور جوا کھیلنے والی سائٹس کے اشتہار میں جلوہ گر اسے پروموٹ کیا ہے جس کی وجہ سے نوجوانوں کا مستقبل متاثر ہو رہا ہے،جوا کھیلنا بذات خود ایک جرم ہے اور اسے کھیلنے والوں کو گرفتار بھی کیا جاتا ہے۔
مظاہرین نے احتجاج کے دوران اس بات پر زور دیا کہ مشہور شخصیات کو ایسے اشتہارات نہیں کرنے چاہیں جو نوجوانوں کی گمراہی کا باعث بنیں۔ممبئی پولیس نے سیکیورٹی رسک کی بنا پر احتجاج کرنے والے افراد کو حراست میں لے کر شاہ رُخ خان کے گھر کے باہر سیکیورٹی میں اضافہ کر دیا ہے۔
ماضی میں اجے دیوگن، اکشے کمار اسمیت کئی دیگر اداکاروں کو اس طرح کے گمراہ گن اشتہارات کرنے پر تنقید کا سامنا کرنا پڑا تھا۔
