مشہور ڈچ اداکار ڈونی رول وِنک نے اسلام قبول کرلیا
ایمسٹرڈیم:(ویب ڈیسک) یورپی ملک نیدرلینڈ کے معروف اداکار اور سوشل میڈیا انفلوئنسر ڈونی رول وِنک نے اسلام قبول کرلیا ہے۔
ڈونی رول وِنک نے انسٹاگرام اسٹوری میں ایک ویڈیو شیئر کی جس میں وہ مسجد میں کلمہ طیبہ پڑھ رہے ہیں۔ ویڈیو میں دیکھا جا سکتا ہے کہ ڈونی رول وِنک ایک مولوی کے ساتھ کھڑے ہیں اور وہ کلمہ طیبہ پڑھ رہے ہیں۔
View this post on Instagram
ویڈیو کے آخر میں ڈونی رول وِنک “لا الہ الا اللہ محمد رسول اللہ” کہتے ہوئے دکھائی دے رہے ہیں۔ ڈونی رول وِنک کی جانب سے کلمہ طیبہ پڑھنے کی ویڈیو سوشل میڈیا پر وائرل ہوگئی ہے۔
دنیا بھر سے مسلمانوں کی جانب سے ڈونی رول وِنک کے لیے نیک خواہشات کا اظہار کیا جا رہا ہے۔
ڈونی رول وِنک نے دبئی میں مسجد کا دورہ کرنے سمیت وہاں وقت گزارنے کی ویڈیو بھی انسٹاگرام پر شیئر کی تھی۔
View this post on Instagram
ڈچ اداکار کی جانب سے دائرہ اسلام میں داخل ہونے پر سوشل میڈیا پر مختلف ردعمل سامنے آئے ہیں۔ کچھ صارفین نے ڈونی رول وِنک کے اس فیصلے کی تعریف کی ہے جبکہ کچھ صارفین نے اس پر تنقید کی ہے۔ ڈونی رول وِنک نے ابھی تک اپنے اس فیصلے کے بارے میں کوئی بات نہیں کی ہے۔
