پاکستان بمقابلہ نیوزی لینڈ: بابر اور شاہین کی ویڈیو وائرل
لاہور: (ویب ڈیسک) پاکستان بمقابلہ نیوزی لینڈ پہلے ٹی 20 میچ کے دوران دل کو چھو لینے والا لمحہ پیش آیا جب بابر اعظم کھیل شروع ہونے سے عین قبل شاہین آفریدی کو گلے لگانے کے لیے جا پہنچے، دونوں کی ویڈیو وائرل ہوگئی۔
دل دہلا دینے والے اشارے کی ویڈیو سوشل میڈیا پر تیزی سے وائرل ہوگئی، جس میں دونوں کھلاڑیوں کے درمیان مضبوط رشتہ پر زور دیا گیا۔
یہ بھی پڑھیں:
بابر اور شاہین کی دوستی کے درمیان کشیدگی کی افواہیں تب آنا شروع ہوئی جب شاہین شاہ آفریدی کو کپتانی سے ہٹا کر دوبارہ سے بابراعظم کو کپتان بنایا گیا۔
بابر اعظم نے سیریز سے قبل پریس کانفرنس میں واضح کیا کہ ان کے درمیان ایسا کوئی تنازعہ نہیں ہے، انہوں نے اپنے مضبوط رشتے کی تصدیق کی اور بتایا کہ ہم دونوں کا مشترکہ مقصد ہے کہ ہم پاکستان کیلئے میچز جیتیں۔
بابراعظم نے سیریز سے قبل ہی بتادیا تھا کہ ” میرا اور شاہین کا بہت اچھا رشتہ ہے”، اور ہماری واحد توجہ پاکستان کی خاطر میچ جیتنے پر ہوتی ہے، انہوں نے مزید کہا تھا کہ میری اور شاہین کی لڑائی کی سوشل میڈیا پر افواہیں چلنے پر بہت حیران ہوا تھا۔
گزشتہ روز راولپنڈی میں موسم ابرآلود ہونے کے باعث پاکستان اور نیوزی لینڈ کا میچ کینسل ہوگیا تھا، شدید تیز بارش اور گراؤنڈ کے گیلے ہوجانے کے باعث میچ دوبارہ شروع ہی نہیں ہوسکا تھا۔
یہ بھی پڑھیں:
پاکستان اور نیوزی لینڈ کے درمیان پہلے ٹی 20 میچ میں دونوں ٹیموں کی جانب سے نوجوان کھلاڑی ڈیبیو کررہے تھے، پاکستان کی جانب سے عثمان خان، عرفان خان نیازی اور ابرار احمد ڈیبیو کررہے تھے جب کہ نیوزی لینڈ کے جوش کلارکسن پہلی بار ٹیم کا حصہ بنے تھے۔
گزشتہ روز نیوزی لینڈ کے کپتان نے ٹاس جیت کر پہلے بیٹنگ کا فیصلہ کیا تھا لیکن سیریز کا پہلا میچ بارش نذر ہوگیا تھا، پاکستانی ٹیم میں کپتان بابر اعظم کے ساتھ صائم ایوب، محمد رضوان، عثمان خان، افتخار احمد، محمد عرفان خان، شاداب خان، شاہین شاہ آفریدی، نسیم شاہ، محمد عامر اور ابرار احمد شامل تھے۔
