سعودی ولی عہد کا اگلے ہفتے دورہ پاکستان کا امکان
اسلام آباد: (سنو نیوز) سعودی ولی عہد و وزیراعظم شہزادہ محمد بن سلمان کا اگلے ہفتے دورہ پاکستان کا امکان ہے۔ دورے کے حوالے سے تاریخوں کو حتمی شکل دینے پر کام جاری ہے۔
سفارتی ذرائع کے مطابق یہ سعودی ولی عہد کا 2019 کے بعد پاکستان کا پہلا دو طرفہ دورہ ہوگا۔ وزیراعظم شہباز شریف نے سعودی ولی عہد کے دورہ سے متعلق انتظامی امور کی خود نگرانی کا فیصلہ کرلیا۔
وزیراعظم نے سعودی مہمان کی آمد تک کہیں بھی بیرون ملک نہ جانے کا فیصلہ کیا ہے۔ سعودی ولی عہد اعلیٰ سطح اپنے وفد کے ہمراہ پاکستان آئیں گے۔ سعودی ولی عہد کے آئندہ ہفتے متوقع دورہ پاکستان میں پانچ ارب ڈالر کی سرمایہ کاری کے فیصلوں پر عمل درآمد کی یاداشتوں پر دستخط متوقع ہیں۔
یہ بھی پڑھیں
سفارتی ذرائع کے مطابق سعودی ولی عہد کے دورے سے متعلق حتمی تاریخ رواں ہفتے میں طے ہوجائے گی۔ دورہ آئندہ ہفتے کے آخر میں متوقع ہے۔
دوسری جانب پاکستان کی کامیاب سفارتکاری، اربوں ڈالرز کے متوقع معاہدوں کے لیے سعودی اعلیٰ سطح وفد اسلام آباد میں موجود ہیں۔
سعودی عرب کے نائب وزیر سرمایہ کاری ابراہیم بن یوسف المبارک کی قیادت میں 30 سعودی کمپنیوں کے سرمایہ کاروں کا وفد آج پاک سعودی سرمایہ کاری کانفرنس میں شریک ہوا۔
پاک سعودی سرمایہ کاری کانفرنس میں پاکستانی حکام سعودی وفد کو متوقع سرمایہ کاری شعبوں پر بریفنگ دی گئی۔
