اسٹیمینا بڑھانے کیلئے کون سی غذائیں مفید؟
لاہور: (سنو نیوز) آپ کے جسم کا اسٹیمینا جتنا بہتر ہوگا، آپ اتنی ہی دیر تک روزمرہ کی جسمانی سرگرمیاں کرنے کے قابل ہو ں گے، اس کے لیے آپ کو کچھ غذائیں کھانے پر توجہ دینی ہوگی۔
اسٹیمینا لمبے عرصے تک جسمانی یا ذہنی محنت کو برقرار رکھنے کی صلاحیت ہے۔ یہ اکثرجسمانی توانائی، صلاحیت اور مجموعی فٹنس کی سطح سے منسلک ہوتاہے۔ کسی شخص کی قوت برداشت جتنی بہتر ہوگی، وہ اتنی ہی دیر تک جسمانی سرگرمیاں انجام دے سکتا ہے۔ اس کے اضافے سے آپ زیادہ ورزش کر سکتے ہیں جس سے وزن کم کرنے کی گنجائش بھی بہتر ہوتی ہے۔
اسٹیمینا بڑھانے کے لیے کچھ کھانے پینے کی چیزیں کھانی پڑتی ہیں کیونکہ اس سے جسم کی توانائی کی سطح بھی بڑھ جاتی ہے۔ آپ کو یہ ذہن میں رکھنا ہوگا کہ ایک چیز کھانے سے آپ کا اسٹیمینا تیزی سے نہیں بڑھ سکتا۔ اس کے لیے کئی طرح کی صحت بخش غذائیں کھانے پڑیں گی۔ آئیے جانتے ہیں کہ وہ غذائیں کیا ہیں۔
یہ بھی پڑھیں:
کیلا:
کیلے کاربوہائیڈریٹس، قدرتی شکر اور پوٹاشیم سے بھرپور ہوتے ہیں۔ وہ توانائی کا ایک تیز اور پائیدار ذریعہ فراہم کرتے ہیں، جو انہیں قوت برداشت بڑھانے کا بہترین انتخاب بناتے ہیں۔ اگر آپ روزانہ 2 کیلے کھائیں تو اس سے قوت مدافعت بڑھے گی۔
بادام:
بادام کو صحت مند چکنائی، پروٹین اور فائبر کا بھرپور ذریعہ سمجھا جاتا ہے۔ یہ پائیدار توانائی فراہم کرتے ہیں اور مجموعی صلاحیت کو بہتر بناتے ہیں۔ روزانہ مٹھی بھر بادام کھائیں، انہیں سلاد میں شامل کریں، یا اپنی ترکیبوں میں بادام کا مکھن استعمال کریں۔
پالک:
آئرن، میگنیشیم اور وٹامنز سے بھرپور ہوتی ہے۔ وہ سرخ خون کے خلیوں کی پیداوار کو بڑھانے، آکسیجن کی نقل و حمل کو بہتر بنانے اور توانائی کی سطح کو بڑھانے میں مدد کرتی ہے۔ آپ پالک کو اپنے سلاد، سینڈوچ، اسٹر فرائی یا اسموتھی میں شامل کر سکتے ہیں یا آپ پالک کا رس بھی پی سکتے ہیں۔
سنگترہ:
سنگترے کو وٹامن سی کا بھرپور ذریعہ سمجھا جاتا ہے، جو ہماری قوت مدافعت کو بڑھاتا ہے، جس سے وائرل انفیکشن کا خطرہ کافی حد تک کم ہوجاتا ہے۔ لیکن آپ کو شاید معلوم نہ ہو کہ سنگترہ کھانے سے توانائی کی سطح بہتر ہوتی ہے، جس سے تھکاوٹ کم ہوتی ہے اور قوت برداشت بڑھ جاتی ہے۔
یہ بھی پڑھیں:
