فائنل میں شکست:بھارتیوں کی ٹریوس ہیڈ کی بیوی اور بیٹی کودھمکیاں

احمد آباد:(ویب ڈیسک)فائنل میں شکست ہضم نہ ہوئی،ورلڈکپ فائنل میں شاندار بلے بازی سے اپنی ٹیم کو ورلڈکپ چیمپئن بنانے والے ٹریوس ہیڈ کو بھارتی کرکٹ مداح کی جانب سے سوشل میڈیا اکائونٹس پر دھمکیاں دی جانے لگی ہیں۔

تفصیلات کے مطابق فائنل میں بھارت کی شرمناک شکست کے بعد انتہا پسند وں کی جانب سے سوشل میڈیا پر زہر اگلنے کا سلسلہ شروع کردیا گیا ہے،اس مقصد کے لیے ہندو انتہاپسندوں نے سب سے پہلے ورلڈکپ فائنل کے ہیرو ٹریوس ہیڈ کے اہلخانہ کو نشانہ بنایا جن کے شاندار 134 رنز کی بدولت آسٹریلیا چھٹی بار ورلڈکپ چیمپئن بننے میں کامیاب ہوا۔

بھارتی انتہا پسندوں کی جانب سے ٹریوس ہیڈ کے انسٹاگرام اکائونٹ پر ان کی بیوی اور 1 سالہ بیٹی کو مبینہ طور پر زیادتی کی دھمکیاں دی جارہی ہیں،اس کے علاوہ دیگر ہندو صارفین کی جانب سے ان کی فیملی کے بارے میں انتہائی قابل اعتراض کمنٹس کیے جارہے ہیں جو بلاشبہ فائنل میں شکست پر اٹھائے جانے والی ہزیمت اور شرمندگی کا نتیجہ ہے۔ہندو انتہاپسندوں کی جانب سے ٹریوس ہیڈ کے گھروالوں کے لیے استعمال کی جانے والی زبان اس قدر

فحش اور غلیظ ہے کہ اسے احاطہ تحریر میں لانا ممکن نہیں تاہم ٹوئٹر پر اس طرح کے پیغامات گردش کررہے ہیں جنہیں بھارتی عوام کی جانب سے بھرپور تنقید کا نشانہ بنایا جارہا ہے۔بھارتی انتہاپسندوں نے پہلی بار اس طرح کا کام نہیں کیا ،2021 میں بھارتی شخص نے ویرات کوہلی کی بیٹی کو پاکستان کے ہاتھوں بھارتی کرکٹ ٹیم کو عبرتناک شکست کے بعد دھمکی دی تھی۔

ویرات کوہلی کی بیٹی کو ریپ کی دھمکی ٹی ٹوئنٹی ورلڈ کپ میں پاکستان کے ہاتھوں بھارتی ٹیم کو عبرتناک شکست کے بعد دی گئی تھی۔ پاکستان نے بھارتی ٹیم کو دھول چٹا دی تھی جس کے بعد ویرات کوہلی کو سوشل میڈیا پر شدید تنقید کا نشانہ بنایا گیا۔

ممبئی پولیس نے بھارتی کرکٹ ٹیم کے کپتان ویرات کوہلی کی بیٹی کو جنسی زیادتی کا نشانہ بنانے کی دھمکی دینے والے شخص کو گرفتار کرلیا تھا۔ حیدر آباد سے تعلق رکھنے والے رام نیگیش نامی شخص نے سوشل میڈیا پر کپتان ویرات کوہلی اور اداکارہ انوشکا شرما کی 9 ماہ کی بیٹی کو ریپ کرنے کی دھمکی دی تھی۔ ریپ کی دھمکی پر نئی دہلی کی خاتون کمشنر نے پولیس کو دھمکی دینے والے شخص کے خلاف فوری کارروائی کا حکم دیا تھا۔

حمد آباد کے نریندر مودی کرکٹ اسٹیڈیم میں کھیلے گئے ورلڈ کپ 2023ء کے فائنل میں ہندوستانیوں کے غیر مہذب رویے پر آسٹریلوی میڈیا پھٹ پڑا ہے۔

تفصیل کے مطابق ورلڈ کپ فائنل میں بھارت کو 6 وکٹوں سے شکست دے کر چھٹی بار عالمی چیمپئن بننے والی آسٹریلوی ٹیم کی ہر طرف تعریف ہو رہی ہے۔ اس میچ کے ہیرو ٹریوس ہیڈ تھے جن کی سنچری کی بدولت آسٹریلیا نے بھارت کا تیسری بار عالمی چیمپئن بننے کا خواب چکنا چور کردیا۔

آسٹریلوی میڈیا میں کپتان پیٹ کمنز کی سب سے زیادہ تعریف کی جا رہی ہے، جنہوں نے میچ سے قبل کہا تھا کہ وہ اسٹیڈیم میں موجود 1 لاکھ 30 ہزار بھارتی شائقین کو خاموش کروانا چاہیں گے۔ اتوار کو احمد آباد کے نریندر مودی اسٹیڈیم میں موجود ہزاروں تماشائی ہی خاموش نہیں رہے، ڈیلی ٹیلی گراف لکھتا ہے کہ ‘کیسے آسٹریلوی کھلاڑیوں نے 1.4 بلین ہندوستانیوں کو خاموش کروا کر ورلڈ کپ چھین لیا۔’

اخبار کے مطابق، کئی طرح سے یہ کپ بھارت کا ہی ہونے والا تھا۔ تکنیکی طور پر آسٹریلیا نے احمد آباد میں بھارت کو شکست دے کر ریکارڈ چھٹی بار ورلڈ کپ جیتا۔

یہ بھی پڑھیں:کرکٹ ورلڈ کپ فائنل:بھارت کو شکست ،آسٹریلیا دنیائے کرکٹ کا چیمپئن بن گیا

دی کرانیکل نےکرکٹ ورلڈ کپ فائنل میں اسپورٹس مین شپ نہ دکھانے پر ہندوستانیوں پر کڑی تنقید کی ہے۔ اخبار لکھتا ہے، “چوٹ بہت گہری تھی۔ جس وقت آسٹریلوی ٹیم ٹرافی کے ساتھ جشن منا رہی تھی، ہندوستانی کھلاڑی غیر مہذب رویے اپنا رہے تھے”۔ اخبار لکھتا ہے کہ یہ فتح اس لیے بھی خاص تھی کیونکہ یہ میزبان ہندوستانی ٹیم کے خلاف جیتی گئی تھی جس نے اب تک کوئی میچ نہیں ہارا تھا۔

“اس بڑی کامیابی کا پیمانہ شاید آسٹریلوی کپتان پیٹ کمنز اور ان کی ٹیم نے محسوس نہیں کیا ہوگا کیونکہ انہیں 130,000 کی گنجائش والے خالی اسٹیڈیم میں ٹرافی سونپی گئی تھی۔”“اس سے بھی زیادہ خاص بات یہ ہے کہ جس وقت ٹرافی میدان میں دی گئی، اس وقت ہندوستانی ٹیم کہیں نظر نہیں آرہی تھی۔”

“کھیل کے دوران ہندوستانی کھلاڑیوں کی بے حسی کو بھی نظر انداز کیا جا سکتا ہے، کیونکہ یہ بات سمجھ میں آتی ہے کہ وہ جذبات پر قابو نہ پا سکے ہوں گے۔ لیکن اس کا یہ مطلب نہیں کہ یہ رویہ کھیل کی روح کے خلاف نہیں تھا۔” دی کرانیکل لکھتا ہے کہ انگلینڈ کے سابق ٹیسٹ کپتان مائیکل وان نے کھل کر اس پر تنقید کی۔ اس نے پوسٹ کیا۔ تاہم بعد میں اس پوسٹ کو ڈیلیٹ کر دیا گیا۔

ہیرالڈ سن نے آسٹریلیا کے سابق کپتان رکی پونٹنگ کے تبصرے شائع کیے ہیں جس میں انہوں نے پچ کے حوالے سے ہندوستان کی حکمت عملی پر سوالات اٹھائے ہیں۔ پونٹنگ نے کہا ہے کہ جو پچ تیار کی گئی تھی وہ بھارت کے لیے بیک فائر تھی۔ اخبار لکھتا ہے، ’’ورلڈ کپ کا فائنل اسی پچ پر کھیلا گیا تھا جس پر گذشتہ ماہ کھیلے گئے لیگ میچ میں ہندوستان نے پاکستان کے خلاف 7 وکٹوں سے کامیابی حاصل کی تھی‘‘۔

“پیٹ کمنز نے بھی ایک دن پہلے پچ کے بارے میں خدشات کا اظہار کیا تھا۔ بالآخر گھاس کی پٹی نے آسٹریلیا کو ہدف کا بہتر تعاقب کرنے میں مدد کی۔” رکی پونٹنگ نے میچ کے بعد کہا، ’’یہ پچ میری توقع سے زیادہ سست تھی۔ لیکن ہر کسی نے پچ کے مطابق ڈھال لیا اور اچھی بائولنگ کی۔میچ کے بعد بھارتی کپتان روہت شرما نے ٹیم کی شکست کا ذمہ دار پچ کو نہیں ٹھہرایا۔ انہوںنے کہا، اب میں کوئی بہانہ نہیں بنانا چاہتا۔”

ساتھ ہی سابق انگلش کرکٹر مائیکل وان نے کہا کہ آسٹریلوی کھلاڑی ہندوستان سے بہتر پچ کو سمجھتے ہیں۔ حکمت عملی کے لحاظ سے وہ بہت ذہین ٹیم ہیں۔ دی ایج لکھتا ہے۔ ایک لاکھ سے زیادہ ہندوستانیوں سے بھرے اسٹیڈیم میں ویرات کوہلی کی وکٹ اکھڑنے کی آواز کے بعد صرف 11 آسٹریلوی کھلاڑیوں کی پرجوش آوازیں سنائی دیں۔

اخبار لکھتا ہے، “کوہلی کی وکٹ لے کر کمنز نے اپنی ٹیم کو فتح کے راستے پر ڈال دیا تھا اور پھر بقیہ ٹاسک کو ٹریوس ہیڈ اور مارنس لیبوشین کے درمیان 192 رنز کی شراکت سے مکمل کیا گیا”۔

“چاہے یہ کوہلی کی پچ سے رخصتی ہو، ہیڈ کی سنچری ہو یا فتح کا لمحہ، نریندر مودی اسٹیڈیم میں جو خاموشی چھائی ہوئی وہ کمنز اور ان کی ٹیم کے ارکان کے لیے سنہری تھی۔یہاں تک کہ ہندوستانی وزیر اعظم نریندر مودی نے کمنز کو ٹرافی دینے میں دیر کر دی تھی۔”