کرکٹ ورلڈ کپ فائنل:بھارت کو شکست ،آسٹریلیا دنیائے کرکٹ کا چیمپئن بن گیا
احمدآباد:(سنونیوز) آسٹریلیا نے دنیائے کرکٹ کی حکمرانی کا تاج اپنے سر سجالیا،بھارت کو 6 وکٹوں سے باآسانی شکست دے دی،ٹریوس ہیڈ ناقابل شکست 137رنز بناکر نمایاں رہے۔
آسٹریلیا نے 241 رنز کا ہدف 43 اوور میں حاصل کیا۔ٹریوس ہیڈ 15 چوکوں اور 4 چھکوں کی مدد سے 137 رنز بناکر نمایاں رہے جس کی بدولت آسٹریلوی ٹیم چھٹی بار ورلڈکپ ٹائٹل اپنے نام کرنے میں کامیاب ہوئی۔
Australia vs India Live Score Updates – Cricket World Cup 2023
ڈیوڈ وارنر اور ٹریوس ہیڈ نے اوپننگ کی،ڈیوڈ وارنر نے پہلی گیند پرجسپریت بمراہ کو چوکا لگایا جبکہ ٹریوس ہیڈ نے 2 چوکے لگاکر اسکور پہلے اوور میں 15 رنز پر پہنچادیا۔ تاہم اگلے اوور میں محمد شامی نے 1 پہلی گیند پر خوف کی علامت سمجھے جانے والے ڈیوڈ وارنر کو 7 رنز کیچ آئوٹ کردیا۔اسٹیو اسمتھ کے آئوٹ ہونے پر آسٹریلوی ٹیم مشکلات سے دوچار نظر آئی تاہم اس موقع پر ٹریوس ہیڈ اور لبوسچانے نے شاندار پارٹنرشپ قائم کی اور ذمہ دارانہ اننگز کھیلی جس کی بدولت بھارتی ٹیم پریشر میں آگئی۔
ٹریوس ہیڈ نےگرائونڈ کے چاروں طرف بائونڈریاں لگائی جبکہ لبوشان نے ان کا بھرپور طریقے سے ساتھ دیا۔دونوں بیٹرز نے سو سے زائد رنز کی پارٹنرشپ قائم کی ۔بھارتی گیند باز ابتدائی تین وکٹیں حاصل لینے میں کامیاب ہوئے جس کے بعد وہ آسٹریلوی بیٹرز کے ہاتھوں پٹائی کرواتے رہے۔بھارت کی جانب سے جسپریت بمراہ ن 2 جبکہ محمد سراج اور محمد سراج نے 1،1 وکٹ حاصل کی۔
ورلڈ کپ فائنل شروع ہونے سے پہلے احمد آباد اسٹیڈیم میں ایک شاندار ایئر شو ہوا۔ آسٹریلوی ٹیم نے ٹاس جیت کر بائولنگ کا انتخاب کیا، بھارتی کپتان روہت شرما اپنے ساتھی اوپنر شبمن گل کے ساتھ اننگز کا آغاز کرنے میدان میں آئے۔بھارتی کپتان روہت شرما جارحانہ موڈ میں نظر آئے۔ انہوں نے جوش ہیزل ووڈ کے پہلے اوور میں دو چوکے اور دوسرے اوور میں ایک چھکا اور ایک چوکا لگایا۔ چار اوور کے بعد ہندوستان کا اسکور 30 رنز تھا۔
شبمن گل زیادہ دیر نہیں چل پائے۔ مچل اسٹارک نے انہیں پانچویں اوور میں ایڈم زمپا کے ہاتھوں کیچ کرایا، شبمن گل نے سات گیندوں پر چار رنز بنائے۔ بھارت کو پہلا جھٹکا 30 رنز کے سکور پر لگا۔کپتان روہت شرما کو سپورٹ کرنے آئے ویرات کوہلی زبردست فارم میں نظر آئے۔ ہندوستانی اننگز کے ساتویں اوور میں انہوں نے اسٹارک کی گیندوں پر لگاتار تین چوکے لگائے۔ اس کے ساتھ ہی ہندوستان نے 6.3 اوور میں 50 رنز مکمل کر لیے۔
یہ بھی پڑھیں:’’فلسطینیوں پر بمباری بند کرو‘‘ تماشائی کی گراؤنڈ میں انٹری
روہت شرما اور ویرات کوہلی کی جوڑی اچھی جوڑی بنتی دکھائی دے رہی تھی۔ اس کے بعد 10ویں اوور میں روہت شرما گلین میکسویل کی گیند پر اونچا شاٹ کھیل کر اپنی وکٹ گنوا بیٹھے۔ روہت شرما نے 31 گیندوں میں 47 رنز بنائے۔ روہت شرما نے چار چوکے اور تین چھکے لگائے۔ انہوں نے ویرات کوہلی کے ساتھ 32 گیندوں میں 46 رنز جوڑے۔ ہندوستان کو دوسرا جھٹکا 9.4 اوور میں لگا۔ سکور 76 رنز تھا۔ 10 اوورز کے بعد ہندوستان کا اسکور دو وکٹوں پر 80 رنز تھا۔
چوتھے نمبر پر بیٹنگ کرنے آئے شریاس آئر ناکام رہے۔ وہ 11ویں اوور میں آسٹریلوی کپتان پیٹ کمنز کی گیند پر آؤٹ ہوئے۔ انہوں نے تین گیندوں میں ایک چوکے کی مدد سے چار رنز بنائے۔ بھارت کو تیسرا جھٹکا 81 رنز کے سکور پر لگا۔تین وکٹیں گرنے کے بعد ہندوستان کی اسکورنگ کی رفتار کم ہوگئی۔ ایک رکاوٹ اس وقت آئی جب ‘فری فلسطین’ ٹی شرٹ پہنے ایک تماشائی نے حفاظتی انتظامات کی خلاف ورزی کی۔سیکیورٹی ٹیم نے آئی سی سی ورلڈ کپ 2023 کے فائنل کے دوران میدان میں داخل ہونے والے تماشائیوں کو باہر نکالا۔
اس دوران ویرات کوہلی نے وکٹ کیپر بلے باز کے ایل راہول کے ساتھ مل کر ہندوستانی اننگز کو آگے بڑھانا شروع کیا۔ ان دونوں نے 16ویں اوور میں ہندوستان کے اسکور کو 100 رن سے آگے لے گئے۔ تاہم اس شراکت داری کے دوران اسکورنگ کی شرح میں کمی واقع ہوئی۔ 11ویں اور 20ویں اوور کے درمیان ہندوستانی ٹیم صرف 35 رنز بنا سکی۔ ہندوستان نے پہلے 10 اوورز میں نو چوکے اور تین چھکے لگائے۔ 11ویں اور 20ویں اوور کے درمیان کوئی باؤنڈری نہیں آئی۔20 اوورز کے بعد بھارت کا سکور تین وکٹ پر 115 رنز تھا۔
یہ بھی پڑھیں:انڈیا ورلڈ کپ جیتا تو صارفین کو مالا مال کردیں گے: کمپنی کا اعلان
ویرات کوہلی نے 56 گیندوں میں نصف سنچری مکمل کی۔ یہ ہندوستانی اننگز کا 26 واں اوور تھا۔ اس وقت ٹیم کا سکور تین وکٹوں پر 132 رنز تھا۔کے ایل راہول نے 27ویں اوور کی دوسری گیند پر گلین میکسویل پر چوکا لگا کر باؤنڈری کی خشکی کو ختم کر دیا جو 11ویں اوور سے جاری تھا۔
ویرات کوہلی کو 29ویں اوور میں آسٹریلوی کپتان پیٹ کمنز نے بولڈ کیا۔ انہوں نے 63 گیندوں پر 54 رنز بنائے۔ ویرات کوہلی نے اپنی اننگز میں چار چوکے لگائے۔ انہوں نے ورلڈ کپ 2023 کے 11 میچوں میں 765 رنز بنائے۔ بھارت کو چوتھا جھٹکا 148 رنز کے سکور پر لگا۔
ویرات کوہلی کی کارآمد اننگز کے دوران شائقین مسلسل داد دیتے رہے۔ ان کی اہلیہ اداکارہ انوشکا شرما بھی مسلسل ان کی حوصلہ افزائی کرتی نظر آئیں۔ ہندوستانی ٹیم نے 29.1 اوور میں 150 رنز مکمل کیے۔ ویرات کوہلی کے آؤٹ ہونے کے بعد رویندرا جدیجا کے ایل راہول کا ساتھ دینے کے لیے پچ پر آئے۔ تاہم وہ بھی صرف نو رنز بنا کر پویلین لوٹ گئے۔
بھارتی کپتان روہت شرما 47،شبمن گل 4،ویرات کوہلی 54،شریاس ائیر 4،کے ایل راہول 66 جبکہ جڈیجا 9 رنز بنانے میں کامیاب ہوسکے۔سوریا کمار یادو 18 رنز پر جوش ہیزل ووڈ کی گیند پر کیچ آئوٹ ہوئے۔جسپریت بمراہ 1 سکور پرایڈم زیمپا کی گیند پرایل بی ڈبلیو آئوٹ ہوگئے۔بھارت نے مقررہ اوورز میں9 وکٹوں کے نقصان پر 240 رنز بنائے۔
یہ بھی پڑھیں:کرکٹ ورلڈ کپ 2023: ٹیمیں، انعامی رقم اور انجریز کی بھرمار
آسٹریلوی بائولرز کی جانب سے شاندار گیندبازی کا مظاہرہ دیکھنے کو ملا جس کے باعث بھارتی ٹیم زیادہ رنز کرنے میں ناکام رہی،مچل اسٹارک 3،جوش ہیزل ووڈ،پیٹ کمنز 2 2 جبکہ ایڈم زیمپا اور گلین میسکویل کے حصے میں 1 وکٹ آئی۔
موجودہ ورلڈ کپ کے لیے آئی سی سی نے مجموعی طور پر ایک کروڑ ڈالرز کی انعامی رقم کا اعلان کیا ہے۔فائنل جیتنے والی ٹیم کے لیے 40 لاکھ ڈالرز کی انعامی رقم کا اعلان کیا گیا ہے جب کہ فائنل ہارنے والی ٹیم کو 20 لاکھ ڈالرز ملیں گے۔
CHAMPIONS! 🏆
So proud of our INCREDIBLE team! 🇦🇺#CWC23 pic.twitter.com/7vq5SpTrwF
— Cricket Australia (@CricketAus) November 19, 2023
