میاں بیوی نے ایک ساتھ سی ایس ایس کا امتحان پاس کرلیا

لاہور: (ویب ڈیسک) سول سروسز کے امتحانات میں کامیابی حاصل کرنے والے امیدواروں کے حتمی نتائج کا اعلان کر دیا جس میں میاں بیوی نے ایک ساتھ سی ایس ایس کا امتحان پاس کرکے سب کو حیران کر دیا۔

تفصیلات کے مطابق سول سروسز کے امتحانات کے نتائج کا اعلان ہو چکا ہے جن میں سے 210 امیدواروں کی تقرری کرنے کی سفارش کی گئی ہے۔

ذرائع کے مطابق 2023ءمیں 13 ہزار 800 امیدواروں نے سول سروس کے امتحانات کے لیے درخواستیں جمع کروائی تھیں جن میں سے صرف 408 امیدوار پہلے مرحلے میں کامیاب ہو سکے تھے۔ دوسرے میں 210 امیدواروں نے کامیابی حاصل کی تھی جن میں سے 84 خواتین اور 126 مرد کامیاب ہوئے تھے۔

فیڈرل پبلک سروس کمیشن (ایف پی ایس سی) کی طرف سے سول سروسز کے امتحانات میں کامیاب حاصل کرنے والی امیدواروں کے حتمی نتائج کے اعلان کے ساتھ ساتھ 210 امیدواروں کی تقرری کی سفارش کی گئی ہے۔

یہ بھی پڑھیں

2019 والے فیصلے پر عمل کرتے تو 9 مئی نہ ہوتا: چیف جسٹس پاکستان

کامیاب امیدواروں کی فہرست میں 2 امیدوار میاں بیوی ہیں جنہوں نے سماجی رابطوں کی ویب سائٹ ایکس (ٹوئٹر) پر اپنی کامیابی کا بتاتے ہوئے سب کی توجہ اپنی جانب مبذول کروالی ہے۔

فَبِأَىِّ ءَالَآءِ رَبِّكُمَا تُكَذِّبَانِ
Alhamdullillah, We dreamt it together and achieved it together. Both me and my wife have cleared CSS 2023 and got allocated in the Police Service of Pakistan and Inland Revenue Services respectively. pic.twitter.com/s2lY4K1anV

— Huzaifa Aurangzeb (@HuzaifahMughal) May 4, 2024

حزیفہ اورنگزیب نامی ایکس صارف نے اپنے پیغام میں لکھا کہ الحمدللہ! میں نے اور میری بیوی نے مل کر ایک خواب دیکھا تھا جس میں ہم ایک ساتھ کامیاب ہوئے ہیں۔ الحمدللہ! میں نے اور بیوی نے سی ایس ایس 2023ءکے امتحانات میں کامیاب حاصل کرلی ہے۔

ڈاکٹر حزیفہ اورنگزیب نے لکھا کہ میری بیوی کی پوسٹنگ محکمہ ریونیو سروسز میں جبکہ میری پوسٹنگ پولیس سروس آف پاکستان میں ہوگئی ہے، وہ ڈاکٹر ای ایم سی 2021ءکے ساتھ ساتھ گولڈل میڈل بھی حاصل کر چکے ہیں۔ حزیفہ اورنگزیب کے حوالے سے دلچسپ بات یہ بھی ہے کہ وہ سماجیات، سیاست، تاریخ کے علاوہ ٹیچنگ کے شعبے میں بھی دلچسپی رکھتے ہیں۔

حزیفہ اورنگزیب کی بیوی ڈاکٹر حاجرہ نیاز کی طرف سے بھی سماجی رابطوں کی ویب سائٹ ایکس (ٹوئٹر) پر اپنی کامیابی کی خبر شیئر کی گئی ہے جس میں انہوں نے اپنے ساتھ شوہر کی تصویر بھی شیئر کی اور لکھا کہ: میں ایم بی بی ایس کے سیکنڈ ایئر میں تھی جب حزیفہ نے میرے گھر اپنا رشتہ بھیجا تھا تو میں نے انہیں بتایا کہ میرے لیے میرا کیریئر بہت اہم ہے۔

Hello twitter, I got allocated in CSS in my first attempt!
One of the most beautiful milestones I achieved to date Alhamdullilah ✨ #CSS #css2023 #css2025 pic.twitter.com/kfLGYD5pLr

— Dr Hajra Niaz (@MusingsbyHajra) May 4, 2024

انہوں نے بتایا کہ حزیفہ نے مجھے کہا تو پھر مل کر کرتے ہیں جس کے بعد ہم نے اپنی زندگی کا آغاز کیا، شادی کے بعد سے کے پی کے انوویشن ایوارڈ، پرائم منسٹر ایوارڈ، 19 مضامین میں ایوارڈز، ڈینز آنر، بی بی سی مینشن اور یوتھ انٹیریئر منسٹری کے بعد اب پہلی ہی کوشش میں سی ایس ایس میں کامیابی حاصل کی ہے۔

I was in 2nd year MBBS when Huzaifa sent proposal to my home. I told him I have my career goals, he said, "To mil k karen ge na."
Since then:
Prime Minister Award
KPK innovation award
19 Essay awards
BBC mention
Dean's honor
Youth interior ministry
And now:
CSS in 1st attempt! pic.twitter.com/ZTB5td0zGS

— Dr Hajra Niaz (@MusingsbyHajra) May 5, 2024

ڈاکٹر حاجرہ کا کہنا تھا کہ زندگی کے ہر مشکل موقع پر میں اور میرے شوہر ایک دوسرے کا سہارا بنے، ایک دوسرے کو ہمیشہ سپورٹ کیا۔ سوشل میڈیا صارفین کی طرف سے ان کامیابی کو سراہے جانے کے ساتھ ساتھ مبارکباد کے پیغامات دیئے جا رہے ہیں اور انہیں لوگوں کے لیے مشعل راہ قرار دیا جا رہا ہے۔