آئی سی سی ٹی20 رینکنگ میں پاکستان کی 2 درجہ تنزلی
لاہور: (ویب ڈیسک) انٹرنیشنل کرکٹ کونسل (آئی سی سی) کی تازہ ترین رینکنگ میں پاکستان کی کرکٹ ٹیم ٹی20 رینکنگ میں دو درجے تنزلی کے بعد 7ویں نمبر پر آگئی ہے۔
آئی سی سی کی جانب سے جاری کردہ رینکنگ کے مطابق پاکستان پہلے 5 ویں نمبر پر تھی لیکن حالیہ جاری ہونے والی رینکنگ میں 2 درجے تنزلی کے بعد اب پاکستان ٹیم 7ویں نمبر پر آگئی ہے۔
آئی سی سی ٹی 20 رینکنگ میں سرفہرست اب بھی بھارت کی ٹیم ہے، لیکن اس کی برتری تھوڑی کم ہوئی ہے۔ بھارت کے بعد رینکنگ میں آسٹریلیا اور انگلینڈ ہیں، جو پوائنٹس میں بہت قریب قریب ہیں۔ جنوبی افریقا چوتھے نمبر پر ہے جو انگلینڈ سے تھوڑا پیچھے ہے۔
یہ بھی پڑھیں:
ون ڈے انٹرنیشنل رینکنگ میں دیکھا جائے تو بھارت کی ٹیم نے 6 پوائنٹس کی برتری مزید بڑھا لی ہے، اس کا مطلب یہ ہے کہ ہندوستان کھیل کے اس فارمیٹ میں واقعی اچھا پرفارم کررہی ہے۔
ٹیسٹ کرکٹ میں آسٹریلیا ورلڈ ٹیسٹ چیمپئن شپ کا فائنل جیت کر رینکنگ میں ٹاپ پر پہنچ گیا ہے۔ بھارت اس سے بالکل پیچھے دوسرے نمبر پر ہے۔ اس سے ظاہر ہوتا ہے کہ بین الاقوامی سطح پر کرکٹ کتنی مسابقتی اور دلچسپ ہو سکتی ہے۔
دوسری جانب ٹیسٹ رینکنگ میں بھارتی کرکٹ ٹیم کو بڑا دھچکا لگا ہے۔ ٹیم سے نمبرون کا تاج چھن گیا ہے۔ اس کے ساتھ ہی ون ڈے اور ٹی ٹونٹی میں ہندوستان کا دبدبہ برقرار ہے۔
تفصیل کے مطابق انڈین کرکٹ ٹیم کو ورلڈ ٹیسٹ چیمپئن شپ 2023-25 ءکے درمیان بڑا جھٹکا لگا ہے۔ ٹیم کو ٹیسٹ رینکنگ میںتنزلی کا سامنا کرنا پڑا ہے۔ آئی سی سی نے ٹیموں کی تازہ ترین رینکنگ جاری کر دی ہے جس میں بھارتی ٹیم ٹیسٹ رینکنگ میں دوسرے نمبر پر چلی گئی ہے۔
ٹیم انڈیا کو ایک مقام کا نقصان ہوا ہے۔ ورلڈ ٹیسٹ چیمپئن شپ 2021-23 ءکی فاتح ٹیم آسٹریلیا نے ٹیسٹ میں نمبر ون پوزیشن حاصل کر لی ہے۔ اس ٹیم نے 124 ریٹنگ پوائنٹس کے ساتھ پہلی پوزیشن حاصل کی ہے۔
انٹرنیشنل کرکٹ کونسل (آئی سی سی) نے تازہ ترین رینکنگ جاری کر کے آسٹریلیا کو نمبر ون ٹیسٹ ٹیم کے طور پر تصدیق کر دی ہے۔ موجودہ آئی سی سی ورلڈ ٹیسٹ چیمپئن شپ جیتنے والے آسٹریلیا نے ہندوستان کو پیچھے چھوڑ دیا ہے اورمردوں کی ٹیسٹ ٹیم کی درجہ بندی میں نمبر ون مقام حاصل کر لیا ہے۔
یہ بھی پڑھیں:
آئی سی سی نے جمعہ (3 مئی) کو اپنی سالانہ ٹیم رینکنگ کو اپ ڈیٹ کیا اور پیٹ کمنز کی کپتانی والی کینگرو ٹیم گذشتہ سال اوول میں ورلڈ ٹیسٹ چیمپئن شپ کے فائنل میچ میں بھارت کے خلاف 209 رنز کی شاندار فتح کی بنیاد پر ٹاپ پر پہنچ گئی ہے۔
ون ڈے اورٹی ٹونٹی میں ہندوستان کا غلبہ برقرار :
تاہم ہندوستانی ٹیم کاون ڈے اور ٹی ٹونٹی میں پہلی پوزیشن پر برقرار ہے۔ انڈیا کے ون ڈے میں 122 ریٹنگ پوائنٹس ہیں جبکہ ٹی ٹونٹی انٹرنیشنل میں 264 ریٹنگ پوائنٹس کے ساتھ سرفہرست ہے۔
آسٹریلیا ان دونوں فارمیٹس میں بالترتیب دوسرے نمبر پر ہے۔ آسٹریلیا کے ون ڈے میں 116 اور ٹی ٹونٹی انٹرنیشنل میں ٹیم کے 257 ریٹنگ پوائنٹس ہیں۔ ون ڈے میں جنوبی افریقا تیسرے اور ٹی ٹونٹی میں انگلینڈ تیسرے نمبر پر ہے۔
T20-Ranking
