فلسطین کے حق میں نہ بولنے پر باکسر عامر خان کا شدید ردعمل
لاہور: (سنو نیوز) پاکستان نژاد برطانوی باکسر عامر خان نے فلسطین کے حق میں نہ بولنے والوں پر تنقید کرتے ہوئے کہا کہ آپ کی خاموشی شرمناک ہے جو دوسری کو صرف نقصان پہنچا رہی ہے۔
باکسر عامر خان نے سماجی رابطے کی ویب سائٹ پر ایکس پر متعدد پوسٹیں کرتے ہوئے لکھا کہ پورے کریئر میں میرا مقصد چیمپیئن بننا اور اپنی شہرت اور اثرو رسوخ کے ذریعے دنیا میں مثبت تبدیلی لانا تھا، اپنی رائے ظاہر کرنے اور اظہار خیال کرنے کے لئے کبھی نہیں گھبرایا۔
My entire career, my aim was to become a champion and use my fame and influence to make a positive change in the world. I’ve never been scared to speak my mind and stand up for the down trodden.
Recently when Ukraine was attacked by Russia, I personally flew to Poland to support…
— Amir Khan (@amirkingkhan) October 12, 2023
انہوں نے کہا کہ حال ہی میں جب یوکرین پر روس نے حملہ کیا تو ذاتی طور پر کرینی مہاجرین کی مدد کے لئے پولینڈ گیا جو جنگ کی وجہ سے بے گھر ہوگئے تھے، بہت سے لوگوں نے ان خوفناک واقعات کے بارے میں بات کی ہے، لیکن جیسا کہ دنیا دیکھ رہی ہے کہ فلسطین میں کیا ہو رہا ہے، میں نے محسوس کیا کہ میرے بہت سے ساتھی اور دوست خاموش ہیں، کیوں؟ کچھ لوگ کھل کر فلسطین کی حمایت کا اظہار کرنے سے ڈرتے ہیں۔
صیہونی فوج کی بمباری، فلسطینی شہدا کی تعداد 2600 ہوگئی
پاکستانی نژاد برطانوی باکسر نے کہا کہ فلسطینیوں کی زندگی اہم ہے، دنیا یاد رکھے گی کہ کس نے ان کے حق میں بات کی اور کس نے نہیں کی اور خدا یاد رکھے گا کہ کون خاموش رہا جب بے گناہ مسلمانوں کے ساتھ ظلم ہو رہا تھا۔
Nearly 2000 Palestinians murdered in a few days, over 500 children, over 300 women.
Your pray for everyone’ statements had the equal effect of all lives matter,
and the prayers were surely only for those you consider human.
It’s not enough to make a lukewarm- tragically neutral…— Amir Khan (@amirkingkhan) October 14, 2023
ایک پوسٹ میں عامر خان لکھا کہ غیر جانبدارانہ بیان دینا کافی نہیں ہے، اس کا کوئی فائدہ نہیں، قبضہ کرنے والوں کو مظلوموں سے الگ رکھیں، یہاں کی اموات کی سیاسی نوعیت کو تسلیم کریں، کیونکہ ہر نقصان سیاست سے جڑا ہے، جو لوگ عرب اور مسلم ثقافت کے عناصر کو اپنے کریئر کو آگے بڑھانے کے لئے استعمال کرتے ہیں، آپ کی خاموشی شرمناک ہے، آپ کی خاموشی ایک ‘ دہشتگردی’ ہے جو دوستوں کو نقصان پہنچا سکتی ہے۔
عامر خان نے کہا کہ بہت سی بااثر شخصیت اور رول ماڈلز کو اس معاملے میں خاموش دیکھ کر اور اپنی پوسٹس ڈیلیٹ کرتے ہوئے دیکھ کر مایوسی ہوتی ہے، آپ کو کس کا خوف ہے؟ پاؤنڈز یا ڈالر کا یا دوست کھو جانے کا خوف ہے؟ انہوں نے فلسطینیوں کی مدد کے لئے عطیات دینے کا بھی مطالبہ کیا۔
Amir khan foundation is working with a local team getting food, aid and shelters for those effected in Palestine. If you want to support please donate to @AKFoundation website https://t.co/734mKwjBfF pic.twitter.com/LShYJXu0R3
— Amir Khan (@amirkingkhan) October 13, 2023
باکسر عامر خان نے کہا کہ ان کی فاؤنڈیشن ( عامر خان فاؤنڈیشن) فلسطین میں متاثرہ افراد کو خوراک، امداد اور رہائش فراہم کرنے کے لئے ایک مقامی ٹیم کے ساتھ تعاون کر رہی ہے، انہوں نے اپنے مداحوں کو فاؤنڈیشن کی ویب سائٹ کے ذریعے عطیات دے کر ان اقدامات میں حصہ ڈالنے کی درخواست بھی کی۔