شناختی کارڈ بنوانے کے خواہشمند پاکستانیوں کیلئے بڑی خوشخبری
لاہور: (ویب ڈیسک) نیشنل ڈیٹا بیس اینڈ رجسٹریشن اتھارٹی (نادرا) نے شناختی کارڈ بنوانے کے خواہشمند پاکستانیوں کو بڑی خوشخبری سناتے ہوئے ایک اور آسانی فراہم کر دی۔
شناختی کارڈ کی ارجنٹ ڈلیوری اب اوربھی ارجنٹ
نادرا نے ارجنٹ درخواست پرشناختی کارڈ ڈلیوری کی مدت بغیرکسی اضافی فیس کے 23دن سے کم کرکے صرف 15 دن کردی ہے
شہری اب ارجنٹ درخواست جمع کرائیں اورصرف 15 دن میں شناختی کارڈ بنوائیںمزیدمعلومات کیلئے ہیلپ لائن:+92-51-111-786-100
موبائل:1777 pic.twitter.com/43pYEznLTE— NADRA (@NadraPak) March 27, 2024
تفصیلات کے مطابق نادرا نے ارجنٹ درخواست پر شناختی کارڈ ڈلیوری کی مدت بغیر کسی اضافی فیس کے 23 دن سے کم کر کے صرف 15 دن کر دی ہے، شہری شناختی کارڈ بنوانے کے لیے ارجنٹ درخواست کسی بھی نادرا آفس میں جمع کرائیں اور صرف 15 دن میں شناختی کارڈ حاصل کریں۔
یہ بھی پڑھیں
اس سے قبل مختلف کیٹیگری کے شناختی کارڈ بنانے کے لیے نیشنل ڈیٹا بیس اینڈ رجسٹریشن اتھارٹی ( نادرا) نے نئی فیسوں کا اعلان کیا تھا۔
رواں ماہ سے لاگو ان فیسوں میں نارمل شناختی کا 750 روپے میں جبکہ ارجنٹ کی فیس 1500 وصول کی جارہی ہے، اس کے علاوہ ایگزیکٹو شناختی کارڈ بنانے کے لئے 2500 روپے چارج کیے جارہے ہیں۔
