گیند اسٹمپ کے درمیان سے گزری، پھر بھی بلے باز ناٹ آؤٹ
لاہور: (ویب ڈیسک) آپ نے کرکٹ کے میدان پر ایسی بہت سی ویڈیوز دیکھی ہوں گی جن میں گیند اسٹمپ سے ٹکراتی ہے لیکن بیل نہیں گرتی جس کی وجہ سے بلے باز ناٹ آؤٹ رہتا ہے۔ اب ایک ایسی ویڈیو منظر عام پر آگئی ہے جسے دیکھ کر آپ کو اپنی آنکھوں پر یقین نہیں آئے گا۔
اگر کسی بلے باز کو بول آؤٹ کرنا ہے تو قاعدہ کہتا ہے کہ گیند اسٹمپ سے ٹکراتے ہی بیلز بھی گر جائیں، اگر بیلز زمین پر نہ گریں تو بیٹسمین ناٹ آؤٹ ہی رہے گا۔ کرکٹ کے میدان میں کئی بار دیکھا گیا ہے کہ گیند اسٹمپ سے ٹکرانے کے بعد بھی بیل نہیں گرتی جس کی وجہ سے بلے باز ناٹ آؤٹ رہتا ہے۔ اب ایسی ہی ایک ویڈیو سوشل میڈیا پر وائرل ہو رہی ہے، جس میں گیند اسٹمپ کے درمیان سے گزر جاتی ہے، لیکن بیل نہیں ہلتی۔ یہ منظر دیکھ کر بائولر نے بھی سر پکڑ لیا۔
This has to be seen to be belived! 🤯
This is the luckiest that a batter can get. 🙏🏻Via Surat Tennis Cricket on Instagram. pic.twitter.com/tEwHULbP9q
— Omkar Mankame (@Oam_16) February 9, 2024
انڈیا میں ٹینس بال ٹورنامنٹ کے دوران گیند اسٹمپ کے درمیان سے گزر گئی لیکن بیلز بھی اپنی جگہ سے نہیں ہلیں۔ ہوا کچھ یوں کہ بلے باز نے فاسٹ باؤلر کی گیند کو آف سائیڈ پر لگا کر ٹانگ سائیڈ پر مارنے کی کوشش کی لیکن وہ گیند پوری طرح سے مس کر گیا اور گیند اسٹمپ کے درمیان چلی گئی۔ یہ منظر دیکھ کر بلے باز کو اپنی قسمت پر یقین نہیں آیا جبکہ بائولر نے اپنا سر پکڑ لیا۔ ویڈیو سوشل میڈیا پر وائرل ہو رہی ہے اور صارفین مضحکہ خیز تبصرے بھی کر رہے ہیں۔
RARE CRICKET INCIDENT:
Ball goes through the stumps. Bails remain intact. This happened during the 3rd Test of SA in Pak in 1997-98. A Mushtaq Ahmed delivery goes straight THROUGH the stumps & everyone is baffled. A tiny 22 sec clip of this is on YT but here’s extended footage. pic.twitter.com/yTYc8poFgG
— Mainak Sinha🏏📽️ (@cric_archivist) November 12, 2020
اس سے قبل بین الاقوامی کرکٹ میں بھی ایسا ہوا ہے۔جب بلے باز سے لے کر بائولر اور امپائر تک سبھی دنگ رہ گئے تھے۔ وائرل ویڈیو کے ساتھ ایک صارف نے پاکستان اور جنوبی افریقا کے درمیان 1997 ء میں ہونے والے میچ کی ویڈیو بھی شیئر کی ہے۔ اس ویڈیو میں دیکھا جا سکتا ہے کہ پاکستانی باؤلر مشتاق احمد کی گیند اسٹمپ کے اوپر سے گزری تاہم بیلز زمین پر نہیں گریں۔