وزیراعظم کی سعودی ولی عہد شہزادہ محمد بن سلمان سے ملاقات
ریاض: (سنو نیوز) وزیراعظم شہباز شریف نے سعودی ولی عہد و وزیر اعظم شہزادہ محمد بن سلمان سے ملاقات کی جس میں باہمی دلچسپی کے امور پر تبادلہ خیال کیا گیا۔
ولی عہد شہزادہ محمد بن سلمان نے مکہ مکرمہ کے الصفا پیلس میں پاکستان کے وزیر اعظم محمد شہباز شریف کا خیرمقدم کیا۔ وزیر اعظم شہباز شریف نے سعودی ولی عہد کے ساتھ بحرین کے ولی عہد شہزادہ سلمان بن حمد آل خلیفہ کی موجودگی میں افطار بھی کیا۔
#PHOTOS: Crown Prince Mohammed bin Salman hosts an Iftar at Al-Safa Palace in #Makkah, attended by the Prime Minister of #Pakistan and the Crown Prince of #Bahrain, where they all broke their fast together. pic.twitter.com/sQCpqsbsHR
— Saudi Gazette (@Saudi_Gazette) April 7, 2024
اس موقع پر مکہ مکرمہ ریجن کے نائب گورنر شہزادہ سعود بن مشعل بن عبدالعزیز، وزیر مملکت اور کابینہ کے رکن شہزادہ ترکی بن محمد بن فہد بن عبدالعزیز، وزیر دفاع شہزادہ خالد بن سلمان، وزیر خارجہ شہزادہ فیصل بن فرحان، وزیر ثقافت شہزادہ بدر بن عبداللہ بن فرحان، قومی سلامتی کے مشیر ڈاکٹر موسی بن محمد العبیان، وزیر سرمایہ کاری انجینیئر خالد الفالح، وزیر صنعت و معدنی وسائل بندر بن الخریف بھی موجود تھے۔
یہ بھی پڑھیں
شہباز شریف کے ہمراہ وفد میں پنجاب کی وزیر اعلیٰ مریم نواز اور وفاقی کابینہ کے ارکان اسحاق ڈار، خواجہ آصف، محمد اورنگزیب، عبدالعیم خان، عطااللہ تارڑ اور احد چیمہ شامل ہیں۔
#فيديو_واس | سمو #ولي_العهد يستقبل في قصر الصفا بمكة المكرمة مغرب اليوم؛ دولة رئيس الوزراء في جمهورية باكستان الإسلامية بحضور سمو ولي العهد في مملكة البحرين، حيث تناول الجميع طعام الإفطار مع سمو ولي العهد حفظه الله.#واس pic.twitter.com/t5oriHvI0G
— واس الأخبار الملكية (@spagov) April 7, 2024
وزیراعظم نے سنیچر کی شب مسجد نبوی میں عشاء کی نماز اور نوافل ادا کیے اور روضۂ رسول پر حاضری بھی دی۔ انہوں نے امت مسلمہ اور قوم کی ترقی و خوشحالی کے لیے دعائیں کیں۔ فلسطین اور کشمیر کے مظلوم مسلمانوں کے لیے بھی خصوصی دعا کی۔
یاد رہے کہ چار مارچ کو پاکستان کے 24 ویں وزیر اعظم بننے کے بعد وزارت خارجہ کے مطابق شہباز شریف کا یہ پہلا غیر ملکی دورہ ہے۔
