امریکی ایئرپورٹ پر مسافر اور کارگو طیارہ آپس میں ٹکرا گئے
واقعے کے بعد ایئرپورٹ کی فضائی سکیورٹی اور انتظامی امور سے متعلق خدشات بڑھ گئے ہیں۔
بلومبرگ کی رپورٹ کے مطابق میامی انٹرنیشنل ایئرپورٹ پر پیش آنے والے اس واقعے میں کوپا ایئرلائن کے بوئنگ 737 مسافر طیارے کا وِنگ ٹِپ یو پی ایس کے بوئنگ 767 کارگو طیارے کی ناک سے ٹکرا گیا۔
امریکی فیڈرل ایوی ایشن ایڈمنسٹریشن (ایف اے اے) کے مطابق یو پی ایس کا کارگو طیارہ کولمبیا کے دارالحکومت بوگوٹا جانے کیلئے روانگی کی تیاری کر رہا تھا۔
اسی دوران ایئر ٹریفک کنٹرولرز نے کارگو طیارے کے عملے کو ہدایت کی کہ وہ گیٹ کی جانب جانے والے کوپا ایئرلائن کے طیارے کو راستہ دے۔
یہ بھی پڑھیں:ایران کا بحرین میں امریکی ریڈار پر ڈرون حملے کا دعویٰ
تاہم کارگو طیارہ مسافر طیارے کے راستے میں آ گیا اور دونوں طیاروں کے درمیان تصادم ہوگیا۔ واقعے کے دوران طیاروں کو نقصان پہنچا، جبکہ ایئر ٹریفک کنٹرولرز اور پائلٹس کے درمیان گفتگو کی آڈیو بھی سامنے آئی ہے، جس سے حادثے کی تفصیلات جاننے میں مدد ملی۔
