پنجاب کے اگلے وزیر اعلیٰ کے لیے اسپیکر ملک احمد خان کا چانس ہے: فواد چوہدری

صحافیوں سے گفتگو کرتے ہوئے سابق وفاقی وزیر فواد چوہدری نے کہا کہ قومی حکومت ہی پاکستان کے مسائل کا حل ہے۔

انہوں نے مرکز میں تبدیلی کے سوال پر کہا کہ مجھےلگتا ہےکام قریب پہنچ چکا ہے جس سے پی ٹی آئی کو فائدہ اٹھانا چاہیے۔

یہ بھی پڑھیں: عمران خان سے ملاقات پر اسلام آباد ہائیکورٹ کا بڑا حکم جاری

فواد چوہدری نے کہا کہ کل کی ملاقات کے بعد سے پیپلزپارٹی میں مکمل خاموشی چھائی ہوئی ہے کوئی بھی ردعمل آئے گا تو پتا چلے گا۔

گورنر پنجاب سردار سلیم حیدر خان کا کہنا ہے کہ وزیر اعلیٰ مریم نواز کی تبدیلی میرے علم میں نہیں، مفروضے پر بات نہیں کروں گا۔

میڈیا سے گفتگو میں گورنر پنجاب نے کہا کہ فریال تالپور کے دورہ پنجاب کے اچھے اثرات مرتب ہوں گے، صدر مملکت آصف علی زرداری آج لاہور آ رہے ہیں ان کا استقبال کروں گا، ان کی لاہور میں مصروفیات کا علم نہیں۔