میٹرک امتحانات 2027 کی تاریخ کا اعلان

فائل فوٹو

Updated 15 گھنٹے قبل | Published November, 14 2026 |

لاہور: (ویب ڈیسک) پنجاب میں میٹرک کے سالانہ امتحانات 2027 میں شرکت کے خواہشمند طلبہ کیلئے اہم خبر آگئی۔

پنجاب بورڈز کمیٹی آف چیئرمین نے امتحانات کے شیڈول اور داخلہ فارم جمع کرانے کی تاریخوں کی منظوری دے دی ہے۔

پنجاب بورڈز کمیٹی آف چیئرمین کی جانب سے جاری کردہ نوٹیفکیشن کے مطابق میٹرک سالانہ امتحانات 2027 کیلئے طلبہ سنگل، ڈبل اور ٹرپل فیس کے ساتھ داخلہ فارم جمع کرا سکیں گے۔

شیڈول کے مطابق سنگل فیس کے ساتھ داخلہ فارم جمع کرانے کی آخری تاریخ 11 دسمبر 2026 مقرر کی گئی ہے، جبکہ ڈبل فیس کے ساتھ طلبہ 12 دسمبر سے 28 دسمبر 2026 تک اپنے داخلہ فارم جمع کرا سکیں گے۔

اسی طرح ٹرپل فیس کے ساتھ داخلہ فارم جمع کرانے کی آخری تاریخ 11 جنوری 2027 مقرر کی گئی ہے۔ مقررہ تاریخ گزرنے کے بعد طلبہ کو اضافی فیس ادا کرنا ہوگی۔

نوٹیفکیشن کے مطابق دسویں جماعت کے سالانہ امتحانات 16 مارچ 2027 سے شروع ہوں گے۔ امتحانات مکمل ہونے کے بعد نتائج کا اعلان 20 جولائی 2027 کو کیا جائے گا۔

پنجاب بورڈز کمیٹی آف چیئرمین نے امتحانات میں شرکت کے خواہشمند طلبہ کو ہدایت کی ہے کہ وہ مقررہ شیڈول کے مطابق اپنے داخلہ فارم جمع کرائیں تاکہ اضافی فیس کی ادائیگی سے بچ سکیں۔

یہ بھی پڑھیں:رکشہ میں 28 طلباء کو سوار کرنے والا ڈرائیور گرفتار

طلبہ اور والدین کو مشورہ دیا گیا ہے کہ وہ داخلہ فارم جمع کرانے کی آخری تاریخوں کا خاص خیال رکھیں اور متعلقہ تعلیمی بورڈ کی ہدایات کے مطابق داخلے کا عمل مکمل کریں۔

کرنسی، دھاتوں اور پیٹرولیم مصنوعات کے نرخ

Currency → PKR

Currency	Pair	Rate (PKR)	Change
🇺🇸 US Dollar	USD → PKR	276.59	▼ 0.03
🇪🇺 Euro	EUR → PKR	304.99	▼ 0.84
🇬🇧 British Pound	GBP → PKR	365.41	▼ 0.61
🇸🇦 Saudi Riyal	SAR → PKR	73.39	▲ 0.11
🇦🇪 UAE Dirham	AED → PKR	75.30	▼ 0.01
🇨🇳 Chinese Yuan	CNY → PKR	41.46	▼ 0.01

Current Metals

Metal	Unit	Price (PKR)	Change
Gold 24K	Per Tola	402,448	▼ 11,187
Gold 22K	Per Tola	368,910	▼ 10,255
Gold 21K	Per Tola	352,142	▼ 9,789
Gold 18K	Per Tola	301,836	▼ 8,391
Silver	Per Tola	5,196	▼ 134
Platinum	Per oz (USD)	1,523	▼ 10.0%