ایران کا اردن میں 2 امریکی اڈوں پر میزائل حملے کا دعویٰ
ایرانی حکام کی جانب سے ایک ویڈیو بھی جاری کی گئی ہے جس میں مبینہ طور پر متعدد میزائلوں اور ڈرونز کو لانچ ہوتے ہوئے دکھایا گیا ہے۔
ایران کا کہنا ہے کہ کارروائی کے دوران اردن میں موجود امریکی فوجی اڈوں کنگ حسین اور الازرق کو نشانہ بنایا گیا۔
یہ بھی پڑھیں: خلیجی ممالک حقیقی دشمن کی شناخت کریں، ایرانی رہبر اعلیٰ
رائٹرز کے مطابق ایرانی حکام کی جانب سے جاری کی گئی ویڈیو میں متعدد میزائلوں اور ڈرونز کے لانچ ہونے کے مناظر دکھائی دیتے ہیں، تاہم فوری طور پر آزاد ذرائع سے اس بات کی تصدیق نہیں ہوسکی کہ ویڈیو میں دکھائی جانے والی کارروائی کب اور کہاں کی گئی۔
ایرانی حکام کے مطابق یہ کارروائی امریکا کی جانب سے ایران کے جزیرہ لارک پر کیے گئے حملے کے جواب میں کی گئی۔ تہران نے اس سے قبل اعلان کیا تھا کہ لارک جزیرے پر امریکی کارروائی کا بھرپور جواب دیا جائے گا۔
Iranian authorities released footage showing what is purported to be missiles and drones launching. They were being launched in what Tehran said was an operation targeting the King Hussein and Al-Azraq US air bases in Jordan https://t.co/e1guVdjnhW pic.twitter.com/fdEwqKIGPm
— Reuters (@Reuters) August 31, 2026
ایران کی جانب سے اردن میں امریکی فوجی تنصیبات کو نشانہ بنانے کا دعویٰ خطے میں جاری کشیدگی میں ایک اہم پیش رفت قرار دیا جا رہا ہے۔
واضح رہے کہ اردن میں بعض فوجی تنصیبات پر امریکی فوجی اور فضائی اثاثے موجود رہے ہیں، جس کے باعث ان مقامات کو خطے میں امریکی فوجی سرگرمیوں کے حوالے سے اہم سمجھا جاتا ہے۔
تاہم حملوں سے ہونے والے ممکنہ نقصان، جانی نقصانات اور امریکی تنصیبات پر اثرات کے حوالے سے ابھی تک کوئی آزادانہ اور حتمی معلومات سامنے نہیں آسکیں۔
