علیمہ خان کو پی ٹی آئی کا صدر بنانے کی خبر جعلی نکلی

فیکٹ چیک کے مطابق یہ دعویٰ درست نہیں، جو کہ سوشل میڈیا پلیٹ فارم ایکس پر 21 اگست کو شیئر کیا گیا تاہم ویڈیو کلپ بھی دراصل اگست 2025 میں آسٹریلوی صحافی ماریو نوفل کو دیے گئے علیمہ خان کے انٹرویو کا حصہ ہے۔

میری خواہش ہے میں پارٹی کی صدر بن کر تمام پارٹی معاملات اپنے ہاتھ میں لوں اور یہ تب تک ممکن نہیں ہے جب تک عمران خان زندہ ہے اور میری خواہش ہے عمران خان جیل میں ہی مرے اس لیے میں باہر اس کے نام پر من گھڑت بیان دے دے کر اسے پھٹے پر چڑھا کر دم لوں گی۔۔علیمہ ڈائن pic.twitter.com/MX4rt07fJs

— Ajwa PMLN (@AjwaPmln) August 21, 2026

وائرل ویڈیو کے ساتھ دعویٰ کیا گیا کہ علیمہ خان پی ٹی آئی کی صدر بننا چاہتی ہیں اور پارٹی کا مکمل کنٹرول سنبھالنا چاہتی ہیں تاہم مکمل انٹرویو کے جائزے سے یہ بات سامنے آئی ہے کہ انہوں نے ایسا کوئی بیان نہیں دیا۔

تقریباً ایک گھنٹے پر مشتمل انٹرویو میں علیمہ خان نے عمران خان کی جی میں صورتحال، پی ٹی آئی کارکنوں کے ساتھ مبینہ سلوک اور دیگر معاملات پر گفتگو کی تھی۔

یہ بھی پڑھیں: عمران خان ہسپتال منتقلی، توہینِ عدالت پر فوری سماعت کی درخواست مسترد

فیکٹ چیک کے مطابق وائرل کلپ مکمل انٹرویو میں تقریباً 4 منٹ 14 سیکنڈ کے مقام پر موجود ہے تاہم اس حصے میں بھی علیمہ خان وہ الفاظ ادا کرتی نظر نہیں آتی جو سوشل میڈیا پوسٹ میں ان سے منسوب کیے گئے ہیں۔

میری خواہش ہے میں پارٹی کی صدر بن کر تمام پارٹی معاملات اپنے ہاتھ میں لوں اور یہ تب تک ممکن نہیں ہے جب تک عمران خان زندہ ہے اور میری خواہش ہے عمران خان جیل میں ہی مرے اس لیے میں باہر اس کے نام پر من گھڑت بیان دے دے کر اسے پھٹے پر چڑھا کر دم لوں گی۔۔علیمہ ڈائن pic.twitter.com/Y8LVlEFFFN

— Niki Chiri♡ (@cutehunmee) August 20, 2026

یوں علیمہ خان کے پی ٹی آئی کی صدر بننے یا پارٹی کے معاملات اپنے ہاتھ میں لینے کی خواہش سے متعلق دعویٰ غلط ثابت ہوا، وائرل ویڈیو بھی حالیہ نہیں بلکہ اگست 2025 کی ہے۔