پب جی موبائل کانٹینٹ کریئیٹر فاروق احمد کینیڈا میں موٹر سائیکل حادثے میں جاں بحق
ان کی وفات کی افسوسناک خبر دوستوں کی جانب سے دی گئی، جس کے بعد فلک پب جی، ڈکٹیٹر وائی ٹی، ستارا نامیوس بابا او پی اور کرپٹو پب جی سمیت کئی دیگر نامور پب جی کری ایٹرز نے سوشل میڈیا پر ان کے انتقال پر گہرے دکھ کا اظہار کیا۔
فاروق احمد نے اپنے یوٹیوب چینل فاروق احمد وائی ٹی پر پب جی موبائل سے متعلق شاندار مواد کے ذریعے بڑی فالوونگ بنا رکھی تھی، جہاں ان کے 9 لاکھ 25 ہزار سے زائد سبسکرائبرز جبکہ انسٹاگرام پر تقریباً 85 ہزار فالوورز موجود تھے۔
یہ بھی پڑھیں: دنیا کے کم عمر ترین بادشاہ اویو نییمبا انتقال کرگئے
ان کی انسٹاگرام پروفائل کے مطابق وہ آفیشل پب جی موبائل پارٹنر اور پب جی موبائل کینیڈین ایمبیسیڈر کے طور پر خدمات انجام دے رہے تھے۔
مرحوم اپنے قیمتی پب جی اکاؤنٹ اور انوینٹری کی وجہ سے کمیونٹی میں بے حد مقبول تھے۔ ان کے چینل پر مہنگی یو سی کی خریداری، نایاب اشیا، ہتھیاروں کی اپ گریڈیشن اور اکاونٹس کے حوالے سے ویڈیوز اپ لوڈ کی جاتی تھیں، جن میں ان کی دنیا کے سب سے مہنگے ترین اور پب جی اکاؤنٹ پر مبنی ویڈیو بھی شامل ہے۔
