فرانس میں طلبہ کے موبائل فون استعمال پر پابندی عائد

حکومت کے مطابق صدر ایمانوئل میکرون نے موبائل فون پابندی سے متعلق قانون نافذ کرنے کا فیصلہ کیا ہے جس کے بعد نئے تعلیمی سال کے آغاز سے ہائی سکولوں میں موبائل فون کے استعمال پر پابندی عائد ہوگی۔

حکام کا کہنا ہے کہ اس اقدام کا مقصد طلبہ کو اسکرین کے زیادہ استعمال سے دور رکھنا اور ان کی تعلیمی و ذہنی نشوونما کو بہتر بنانا ہے۔

یہ بھی پڑھیں: بھارتی ساحل کے قریب مال بردار جہاز ڈوب گیا، 22 افراد لاپتہ

تاہم سکول پرنسپلز کی یونین نے خبردار کیا ہے کہ پابندی پر فوری عملدرآمد مشکل ہوگا کیونکہ متعدد اسکولوں کو تیاری کے لیے مناسب وقت نہیں ملا۔

سکولوں کو پابندی نافذ کرنے کے لیے اپنے داخلی قواعد میں ترمیم کرنا ہوگی جبکہ بعض اداروں میں موبائل فون رکھنے کے لیے لاکرز اور خصوصی پاؤچز کا انتظام بھی کیا جا رہا ہے۔

حکومت نے تعلیمی سرگرمیوں اور اسکول کے ضروری امور کے لیے موبائل فون کے استعمال کو بعض صورتوں میں پابندی سے مستثنیٰ قرار دیا ہے۔