جشن میلاد النبی ﷺ: کراچی میں بھاری گاڑیوں کا داخلہ بند
منی ٹرک سمیت دیگر بھاری گاڑیوں پر بھی پابندی کا اطلاق ہوگا/ فائل فوٹو
Updated | Published August, 25 2026 |
کراچی:(ویب ڈیسک) جشن میلاد النبی ﷺ کے موقع پر مختلف علاقوں میں مجالس، جلوس اور ریلیاں منعقد ہوں گی جس کے پیش نظر ٹریفک کی روانی برقرار رکھنے کے لیے 25 اور 26 اگست کو بھاری گاڑیوں کے شہر میں داخلے پر پابندی عائد کر دی گئی ہے۔
ٹریفک پولیس کے مطابق پابندی کے دوران گڈز ٹرانسپورٹ، ڈمپرز، واٹر ٹینکرز اور ہیوی ٹرک شہر میں داخل نہیں ہو سکیں گے جبکہ منی ٹرک سمیت دیگر بھاری گاڑیوں پر بھی پابندی کا اطلاق ہوگا۔
یہ بھی پڑھیں: حج ڈیجیٹل پورٹل کے ذریعے واجبات کی پہلی قسط کی ادائیگی
حکام نے ٹرانسپورٹ ایسوسی ایشنز اور بھاری گاڑیوں کے مالکان کو ہدایت کی ہے کہ 11 اور 12 ربیع الاول کی شب تک بھاری گاڑیاں شہر میں لانے سے گریز کیا جائے۔
ٹریفک پولیس کا کہنا ہے کہ جشن میلاد النبی ﷺ کے جلوسوں اور ریلیوں کے دوران شہریوں کو آمد و رفت میں سہولت دینے کیلئے ٹریفک انتظامات مزید موثر بنائے جائیں گے۔
