حج ڈیجیٹل پورٹل کے ذریعے واجبات کی پہلی قسط کی ادائیگی جاری
سرکاری سکیم کے تحت لانگ حج پیکیج میں 23 ہزار نشستیں باقی ہیں،نیشنل آئی ٹی بورڈ کی پاک حج ایپ اور حج پورٹل پر ادائیگی کے لیے تین ذرائع متعارف کروائے گئے ہیں۔ حج قسط کی ادائیگی ون لنک پی ایس آئی ڈی، بینک کارڈ اور پاک حج مینول چالان کے ذریعے جمع ہو سکتی ہے۔
ترجمان مذہبی امور کے مطابق ادائیگی کے تینوں ذرائع سے پہلی قسط کی مد میں 52 اشاریہ 5 ارب روپے موصول ہوئے ، ملک بھر کی چاروں اکائیوں، کشمیر، گلگت بلتستان اور اسلام آباد سے ادائیگیاں کامیابی سے جاری ہے۔
یہ بھی پڑھیں: عمران خان رہائی کے بعد آرمی چیف سے محاذ آرائی نہیں کرینگے: زلفی بخاری
ترجمان کے مطابق حج 2027 پر جانے کے خواہش مند عازمینِ کرام حج پورٹل پر اپنے کوائف اور ادائیگی جلد مکمل کریں،40 روزہ حج پیکیج میں مطلوبہ تعداد پوری ہونے پر حج 2027 کی بکنگ روک دی جائے گی
واضح رہے کہ 40 دن کے لانگ حج پیکیج کی پہلی قسط 6 لاکھ روپے مقرر ہے۔ 25 دن کے شارٹ حج پیکیج کی پہلی قسط ساڑھے 6 لاکھ روپے مقرر ہے. مکہ مکرمہ میں دو بیڈ الگ کمرے کے اضافی اخراجات 2 لاکھ 10 ہزار روپے فی کس ہیں جبکہ مکہ مکرمہ میں3 بیڈ الگ کمرے کے اضافی اخراجات 70 ہزار روپے فی کس ہیں.
