میڈیکل یونیورسٹیز کے تحت پرانے میڈیکل کالجز کی حثیت بحال

نئے ترمیمی آرڈیننس کے مطابق وائس چانسلر یونیورسٹی کے چیف ایگزیکٹو آفیسر اور چیف اکیڈمک آفیسر ہوں گے۔ انہیں یونیورسٹی، میڈیکل کالج، نرسنگ کالج، متعلقہ ہسپتال اور پیرا میڈیکل اسکول کے انتظامی امور کا کنٹرول بھی حاصل ہوگا۔

آرڈیننس کے تحت کنگ ایڈورڈ میڈیکل کالج کو بحال کرکے کنگ ایڈورڈ میڈیکل یونیورسٹی کے ساتھ منسلک کر دیا گیا ہے، جبکہ فاطمہ جناح میڈیکل کالج کو بحال کرکے فاطمہ جناح میڈیکل یونیورسٹی کے ساتھ منسلک کیا گیا ہے۔

یہ بھی پڑھیں: لاہور تعلیمی بورڈ: 11ویں جماعت کے نتائج کا اعلان

اسی طرح فیصل آباد میڈیکل کالج کو بحال کرکے فیصل آباد میڈیکل یونیورسٹی کے ساتھ منسلک کر دیا گیا ہے۔ راولپنڈی میڈیکل کالج کو بھی بحال کرتے ہوئے راولپنڈی میڈیکل یونیورسٹی کے ساتھ منسلک کیا گیا ہے۔

مزید برآں، نشتر میڈیکل کالج کو دوبارہ بحال کرکے نشتر میڈیکل یونیورسٹی ملتان کے زیر انتظام دے دیا گیا ہے۔

ترمیمی آرڈیننس کے ذریعے میڈیکل یونیورسٹیز اور ان سے منسلک تعلیمی اداروں کے انتظامی ڈھانچے میں تبدیلیاں کی گئی ہیں، جبکہ وائس چانسلرز کو اداروں کے انتظامی اور تعلیمی معاملات میں مرکزی کردار دے دیا گیا ہے۔