سیاحوں کا ہیلی کاپٹر تباہ، 5 امریکیوں سمیت 7 افراد ہلاک
حادثے میں ایکواڈور کی انٹیلی جنس کے سربراہ اور ان کی اہلیہ بھی جان کی بازی ہار گئے۔
امریکی محکمہ خارجہ کے ترجمان نے تصدیق کی ہے کہ حادثے میں 5 امریکی شہری ہلاک ہوئے ہیں، ترجمان کے مطابق امریکی سفارتخانہ کینیا کے مقامی حکام سے مسلسل رابطے میں ہے اور متاثرہ افراد کے حوالے سے ضروری قونصلر معاونت فراہم کی جا رہی ہے۔
کینیا سول ایوی ایشن اتھارٹی کے مطابق ہیلی کاپٹر لوئیسابا کے محفوظ وائلڈ لائف علاقے سے ایواسو نیرو کی جانب تفریحی فضائی سفر پر روانہ ہوا تھا، تاہم دوران پرواز اچانک حادثے کا شکار ہوگیا۔
حادثے کے بعد امدادی ٹیمیں فوری طور پر جائے وقوعہ پر پہنچیں اور ہلاک ہونے والے افراد کی لاشیں نکالنے کا عمل شروع کیا گیا، حکام نے واقعے کی تحقیقات کا آغاز کردیا ہے۔
کینیا کے متعلقہ اداروں کا کہنا ہے کہ ابتدائی طور پر ہیلی کاپٹر کے گرنے کی وجہ معلوم نہیں ہوسکی۔ حادثے کی اصل وجوہات جاننے کیلئے تحقیقات جاری ہیں، مزید تفصیلات بھی جمع کی جا رہی ہیں۔
یہ بھی پڑھیں:ہوٹل میں خوفناک آتشزدگی، 9 افراد جان کی بازی ہار گئے
حادثے نے سیاحتی فضائی سفر کی حفاظت سے متعلق ایک بار پھر سوالات اٹھا دیے ہیں۔ حکام کا کہنا ہے کہ تحقیقات مکمل ہونے کے بعد حادثے کی وجوہات اور دیگر اہم حقائق سامنے آنے کی توقع ہے۔
