سعودی عرب کا عمرہ ویزا رکھنے والوں کیلئے اہم اعلان
جس کے مطابق صرف ایک سال کیلئے کارآمد متعدد بار داخلے کا ویزا حاصل کرلینا ہر بار اپنی مرضی سے سعودی عرب سفر کرنے کی اجازت نہیں دیتا۔
رپورٹس کے مطابق سعودی عرب نے جولائی میں اہل زائرین کیلئے 365 دن کی مدت والا ملٹی پل انٹری عمرہ ویزا متعارف کرایا تھا۔ اس ویزے کے حامل افراد اس کی مدت کے دوران ایک سے زیادہ مرتبہ سعودی عرب داخل ہوسکتے ہیں، تاہم ہر نئے عمرہ سفر کیلئے مخصوص طریقہ کار مکمل کرنا لازمی ہوگا۔
سعودی حکام کی وضاحت کے مطابق عمرہ زائرین کو ہر نئے سفر سے قبل تازہ سروس پیکیج حاصل کرنا ہوگا، جس کے بعد عمرہ پرمٹ جاری کیا جائے گا۔ اس کا مطلب یہ ہے کہ اگر کوئی زائر ایک ہی سال کے دوران دوسری یا تیسری مرتبہ عمرہ ادا کرنے کیلئے سعودی عرب جانا چاہتا ہے تو اسے ہر سفر سے پہلے متعلقہ عمل دوبارہ مکمل کرنا ہوگا۔
حکام نے واضح کیا ہے کہ ملٹی پل انٹری ویزا کا مقصد زائرین کو ایک سال کے دوران متعدد مرتبہ سعودی عرب جانے کی سہولت فراہم کرنا ہے، تاہم ویزا اپنے حامل کو عمرہ پرمٹ کے بغیر ہر وقت سفر کرنے کی خودکار اجازت نہیں دیتا۔
سعودی عرب کی جانب سے جاری کردہ یہ وضاحت عمرہ زائرین کیلئے سفری طریقہ کار کو مزید واضح کرنے کیلئے اہم قرار دی جارہی ہے۔
یہ بھی پڑھیں:اہم شاہراہ ٹریفک کیلئے بند، ٹریفک پولیس نے متبادل راستے بتا دیے
ویزا رکھنے والے افراد سفر سے قبل تمام ضروری تقاضے مکمل کریں تاکہ انہیں سعودی عرب پہنچنے یا عمرہ کی ادائیگی کے دوران کسی قسم کی دشواری کا سامنا نہ کرنا پڑے۔
یوں ایک سالہ ملٹی پل انٹری عمرہ ویزا رکھنے والے زائرین سال کے دوران متعدد مرتبہ سعودی عرب کا سفر کرسکتے ہیں، لیکن ہر نئے عمرہ سفر کیلئے سروس پیکیج اور عمرہ پرمٹ کی تازہ منظوری حاصل کرنا ضروری ہوگی۔
