صدر ٹرمپ نے آبنائے ہرمز کو مذاقاً امریکی علاقہ قرار دیا، وائٹ ہاؤس

امریکی اخبار کے صحافی برائن شوارٹز نے سماجی رابطوں کی ویب سائٹ ایکس پر کہا ہے کہ وائٹ ہاؤس کے ایک سینئر عہدیدار کے مطابق صدر ٹرمپ نے ایران کے ساتھ جنگ کے بعد آبنائے ہرمز کو امریکی علاقہ قرار دینے سے متعلق بیان مذاقاً دیا تھا۔

میڈیا رپورٹس کے مطابق وائٹ ہاؤس کے ایک سینئر عہدیدار کا کہنا ہے کہ صدر ٹرمپ نے جنگ کے بعد آبنائے ہرمز کو امریکی علاقہ قرار دینے کے معاملے پر اپنے مشیروں سے کوئی ملاقات نہیں کی اور آج نیویارک میں اپنی تقریر کے دوران وہ مذاق کر رہے تھے۔

یہ بھی پڑھیں: امریکی ارب پتی بل گیٹس کی بیٹی اسکینڈل کی ذد میں،20 سال قید کا خطرہ

امریکی اخبار کے صحافی برائن شوارٹز کا کہنا ہے کہ ٹرمپ کی اس تقریر کے موقع پر میں خود وہاں موجود تھا اور میرا مشاہدہ ہے کہ یہ بات کہنے کے بعد ٹرمپ مسکرائے ضرور تھے، لیکن پھر ایسا محسوس ہوا جیسے انہوں نے کہا ہو، یہ سچ ہے۔

خیال رہے کہ امریکا کے صدر ڈونلڈ ٹرمپ نے کہا ہے کہ وہ جلد آبنائے ہرمز کو امریکی علاقہ قرار دے دیں گے۔