بھارت: مقدمہ جیتنے کیلئے جج پر کالا جادو کرنے والی خاتون گرفتار

بھارتی میڈیا کے مطابق خاتون پر الزام ہے کہ وہ عدالت میں داخل ہوئی اور جج کی کرسی اور ڈائس پر سفید سرسوں کے دانے بکھیر دیے، پولیس کا کہنا ہے کہ خاتون کا خیال تھا کہ اس عمل سے مقدمے کا فیصلہ اس کے حق میں آجائے گا۔

عدالتی عملے نے جج کی نشست پر سرسوں کے دانے دیکھ کر معاملہ مشکوک سمجھتے ہوئے عدالت میں نصب سی سی ٹی وی ریکارڈنگ کو جانچا گیا جہاں فوٹیج میں خاتون کو جج کی نشست کے قریب دانے بکھیرتے ہوئے دیکھا گیا جس پر فوری پولیس کو اس معاملے کی اطلاع دی گئی۔

یہ بھی پڑھیں: بار میں خوفناک آتشزدگی، 27 افراد ہلاک، 60 سے زائد زخمی

پولیس نے کارروائی کرتے ہوئے خاتون کو گرفتار کر لیا ہے نیز خاتون نے ابتدائی تفتیش میں ہی اپنے جرم کا اعتراف کرتے ہوئے کہا کہ وہ مقدمہ جیتنے کی امید میں یہ عمل کررہی تھی۔

بعد ازاں خاتون کو مقامی عدالت میں پیش کیا گیا جہاں اسے 14 روزہ عدالتی ریمانڈ پر جیل بھیجنے کا حکم دیا گیا ہے، پولیس کے مطابق واقعے کی مزید تحقیقات جاری ہیں جبکہ اس غیر معمولی واقعے کے بعد بھارت میں توہم پرستی، کالا جادو اور عدالتی نظام سے متعلق نئی بحث بھی شروع ہو گئی ہے۔