سال 2026 کا پہلا مکمل سورج گرہن کب ہوگا؟
تفصیلات کے مطابق سال 2026 کا پہلا مکمل سورج گرہن اگلے ماہ ہوگا، جو دن کے رات میں بدل دے گا اور ہر طرف سرمئی تاریکی چھا جائے گی۔ مکمل سورج گرہن دیکھنے میں آگ کا چھلا کی طرح نظر آتا ہے، اسی لیے اس کو انگریزی میں اصطلاحاً Ring of fire بھی کہا جاتا ہے۔دنیا یہ نایاب نظارہ 12 کو کر سکے گی، جب چاند زمین اور سورج کے درمیان سیدھ میں آ جائے گا۔ اس طرح سورج کی روشنی کچھ وقت کے لیے زمین تک نہیں پہنچ پائے گی۔
سورج گرہن کہاں کہاں دکھائی دے گا ؟
یہ دلفریب نظارہ یورپ کے متعدد ممالک گرین لینڈ، آئس لینڈ، شمالی روس، اسپین اور پرتگال کے کچھ حصوں میں دکھائی دے گا۔
جب کہ جزوی سورج گرہن یورپ کے کئی ممالک، افریقہ، شمالی امریکا، بحر اوقیانوس، آرکٹک اوقیانوس اور بحرالکاہل کے مختلف حصوں میں بھی نظر آئے گا۔
تاہم یہ سورج گرہن ہمارے خطے کے وقت کے مطابق غروب آفتاب کے بعد رات کے وقت ہوگا۔ اس لیے پاکستان، بھارت، چین، سری لنکا، ایران، افغانستان سمیت دیگر ممالک میں یہ دکھائی نہیں دے گا۔
سورج گرہن کا دورانیہ
سورج گرہن پاکستان کے معیاری وقت کے مطابق رات 8:34 پر شروع ہوگا۔ مکمل سورج گرہن رات 9:58 پر ہوگا، جو مختلف خطوں میں رات 10:46 تک رہے گا۔
مکمل سورج گرہن کا اختتام رات 11:34 پر ہوگا جب کہ جزوی سورج گرہن رات 12:58 تک نظر آئے گا۔
خبردار:
سورج گرہن مکمل ہو یا جزوی، اس کو انسانی آنکھ سے براہ راست نہ دیکھیں کیونکہ اس سے بینائی کو نقصان پہنچنے کا اندیشہ ہے۔
سورج گرہن دیکھنے کا محفوظ طریقہ:
سورج گرہن کے دوران یہ منفرد شمسی نظارہ دیکھنے کے لیے مصدقہ شمسی نظارے کے شیشے یا خاص طور پر ڈیزائن کردہ سولر فلٹرز استعمال کیے جائیں۔
واضح رہے کہ یہ یورپ میں 30 سال کے بعد پہلا مکمل سورج گرہن ہوگا۔
