عید الاضحیٰ کی 4 روزہ تعطیلات کا اعلان
سعودی وزارتِ افرادی قوت کی جانب سے جاری بیان میں کہا گیا کہ پرائیوٹ سیکٹر میں عید الاضحیٰ کی تعطیلات کا آغاز 9 ذوالحج 1447 ہجری سے ہوگا، جو کہ 26 مئی 2026 کو ہے۔
وزارت کے مطابق یہ تعطیلات منظور شدہ لیبر قوانین اور ضوابط کے تحت نافذ کی جائیں گی تاکہ تمام ادارے یکساں پالیسی پر عمل کر سکیں۔
یکم ذوالحج پیر 18 مئی کو ہے، جبکہ حج کا سب سے اہم رکن یعنی وقوفِ عرفہ منگل 26 مئی 2026 کو ادا کیا جائے گا۔ اس کے بعد عیدالاضحی بدھ 27 مئی 2026 کو پورے ملک میں مذہبی جوش و خروش کے ساتھ منائی جائے گی۔
حکام کا کہنا ہے کہ عید الاضحیٰ کے موقع پر تمام متعلقہ ادارے عوام کو سہولیات کی فراہمی کیلئے خصوصی انتظامات کریں گے، جبکہ ٹرانسپورٹ، سیکیورٹی اور صفائی کے نظام کو بھی بہتر بنایا جائے گا۔
سعودی عرب میں ہر سال حج اور عید الاضحیٰ کے موقع پر لاکھوں مسلمان دنیا بھر سے مکہ مکرمہ اور مدینہ منورہ کا رخ کرتے ہیں، جس کے باعث ان ایام کو عالمی سطح پر انتہائی اہمیت حاصل ہوتی ہے۔
یہ بھی پڑھیں:عمرہ زائرین کے خواہشمندوں کیلئے بڑی خوشخبری
اس اعلان کے بعد نجی اداروں کے ملازمین نے خوشی کا اظہار کرتے ہوئے اسے ایک مثبت اقدام قرار دیا ہے، جس سے وہ اپنے اہل خانہ کے ساتھ عید کی خوشیاں بھرپور انداز میں منا سکیں گے۔
