ویزٹ ویزے پر حج کے خواہمشمندوں کیلئے اہم خبر
سعودی وزارت داخلہ کی جانب سے جاری بیان میں کہا گیا کہ وزٹ ویزا پر مملکت آنے والے کسی بھی شخص کو حج کی ادائیگی کی اجازت نہیں ہوگی۔ حکام نے دو ٹوک انداز میں واضح کیا کہ حج کے لیے باقاعدہ حج پرمٹ کا حصول لازمی ہے اور بغیر پرمٹ کوئی بھی شخص اس فریضے کی ادائیگی کا اہل نہیں ہوگا۔
یہ بھی پڑھیں: پاکستانی طلبہ کے لیے مکمل فنڈڈ پروگرام کا اعلان
وزارت داخلہ کے مطابق تمام زائرین کو ہدایت کی گئی ہے کہ وہ حج سیزن کے دوران مقرر کردہ قواعد و ضوابط پر سختی سے عمل کریں۔ اعلامیے میں خبردار کیا گیا ہے کہ قوانین کی خلاف ورزی کرنے والوں کے خلاف سخت قانونی کارروائی عمل میں لائی جائے گی۔
حکام نے زائرین سے اپیل کی ہے کہ وہ سیکیورٹی اور نظم و ضبط کو برقرار رکھنے کے لیے انتظامیہ کے ساتھ مکمل تعاون کریں اور کسی بھی غیر قانونی سرگرمی کی فوری اطلاع متعلقہ اداروں کو دیں۔
سعودی وزارت داخلہ کا کہنا ہے کہ ان اقدامات کا مقصد حج کے دوران زائرین کو بہتر سہولیات فراہم کرنا اور مجموعی نظم و ضبط کو یقینی بنانا ہے۔
