جیجو پیس فورم 2026 کے لیے درخواستیں کھول دی گئی ہیں جو ایک باوقار عالمی یوتھ پلیٹ فارم ہے۔ یہ پروگرام خاص طور پر پاکستانی طلبہ کے لیے اہم ہے جو بین الاقوامی تجربہ، قیادت کی صلاحیتوں میں بہتری اور تعلیمی ترقی حاصل کرنا چاہتے ہیں۔

یہ فورم ورلڈ فیڈریشن آف یونائیٹڈ نیشنز ایسوسی ایشنز کے زیر اہتمام 24 سے 27 جون 2026 تک جنوبی کوریا کے جزیرے جیجو میں منعقد ہوگا۔ اس میں دنیا بھر سے نوجوان رہنما شریک ہوں گے جو کورین جزیرہ نما، مشرقی ایشیا اور دیگر عالمی مسائل پر بات چیت کریں گے اور پائیدار حل تلاش کریں گے۔

یہ مکمل فنڈڈ پروگرام عالمی سطح کے نمایاں یوتھ فورمز میں شمار ہوتا ہے جہاں شرکاء کو عالمی ماہرین، پالیسی سازوں اور مختلف شعبوں کے رہنماؤں سے سیکھنے کا موقع ملتا ہے۔ اس پروگرام کی کوئی درخواست فیس نہیں ہے جس کی وجہ سے یہ پاکستان سمیت دیگر ممالک کے امیدواروں کے لیے نہایت قابل رسائی ہے۔

یہ بھی پڑھیں: نئی جامعات اور کیمپس بنانے پر پابندی عائد

منتخب امیدواروں کو مکمل فنڈڈ پیکج فراہم کیا جائے گا جس میں جیجو آئی لینڈ تک آنے جانے کے ہوائی اخراجات، رہائش، کھانا، آفیشل دعوت نامہ، شٹل ٹرانسپورٹ، فورم فیس اور شرکت کا سرٹیفکیٹ شامل ہوگا۔

یہ پروگرام پاکستان سمیت تمام ممالک کے طلبہ اور نوجوان پیشہ ور افراد کے لیے کھلا ہے۔ امیدواروں میں عالمی مسائل، قیادت اور سماجی بہتری میں دلچسپی ہونی چاہیے، ساتھ ہی اچھی انگریزی کمیونیکیشن اسکلز بھی ضروری ہیں۔

منتخب افراد ہائی لیول مباحثوں، ورکشاپس اور نیٹ ورکنگ سیشنز میں شرکت کریں گے۔ اس کے ذریعے ان کی قیادت، مواصلاتی اور تجزیاتی صلاحیتوں میں اضافہ ہوگا اور انہیں عالمی نقطہ نظر سے سیکھنے کا موقع ملے گا۔

دلچسپی رکھنے والے امیدواروں کو چاہیے کہ وہ 30 اپریل 2026 سے پہلے اس لنک پر https://wfuna.or.kr/jejuforumآن لائن درخواست فارم مکمل کریں۔