امریکی صدر ڈونلڈ ٹرمپ نے فاکس نیوز کو دیے گئے انٹرویو میں کہا کہ اگر وہ مداخلت نہ کرتے تو ایران اس وقت جوہری ہتھیار حاصل کر چکا ہوتا، حالات کو بدلنے کے لیے فوری اقدامات کرنا ناگزیر تھے۔
انہوں نے مزید کہا کہ ایران کے ایٹمی طاقت بننے سے عالمی توازن متاثر ہوتا، اسی لیے امریکا اس حوالے سے سخت مؤقف اپنائے ہوئے ہے، ایران کسی نہ کسی طریقے سے معاہدہ کرنا چاہتا ہے۔
یہ بھی پڑھیں: مذاکرات کا دوسرا دور بھی آئندہ دو روز میں پاکستان میں ہو سکتا ہے: ٹرمپ
امریکی صدر نے واضح کیا کہ وہ ایران کو کسی صورت جوہری ہتھیار رکھنے کی اجازت نہیں دیں گے، جنگ کے بعد ایران کو تعمیرِ نو کے لیے تقریباً 20 سال درکار ہوں گے۔
امریکی صحافی ماریہ بارتی رومو نے دعویٰ کیا ہے کہ امریکی صدر ڈونلڈ ٹرمپ کے مطابق ایران کے ساتھ جاری جنگ اپنے اختتام کے قریب ہے۔
فاکس نیوز کی اینکر ماریہ بارتی رومو نے سماجی رابطے کی ویب سائٹ پر جاری بیان میں بتایا کہ انھوں نے وائٹ ہاؤس میں صدر ٹرمپ کا انٹرویو کیا، جس میں جنگ کی صورت حال پر تفصیلی گفتگو ہوئی۔ انھوں نے کہا کہ صدر ٹرمپ جنگ سے متعلق گفتگو میں بار بار ماضی کے واقعات کا حوالہ دیتے رہے۔ ماریہ بارتی رومو کے مطابق انھوں نے صدر سے سوال کیا کہ کیا اب یہ جنگ ختم ہو چکی ہے؟ صحافی کے مطابق اس سوال کے جواب میں صدر ٹرمپ نے کہا کہ ’’میرے خیال میں جنگ ختم ہونے کے قریب ہے۔
