امریکی سینٹرل کمانڈ بریڈ کوپر کا کہنا تھا کہ امریکی بحریہ کے میزائلوں سے لیس 2 ڈسٹرائر تعینات کر دیئے ہیں جو اس بات کو یقینی بنائیں گے کہ یہ آبی گزرگاہ محفوظ رہے۔
بریڈ کوپر کا مزید کہنا تھا کہ عالمی تجارت کیلئے اہم گزرگاہ کھولنے کے اقدامات تیز کر دیئے ہیں، جلد ہی اس محفوظ راستے کا سمندری صنعت کیساتھ اشتراک کریں گے۔
قبل ازیں امریکی صدر ڈونلڈ ٹرمپ نے کہا تھا کہ آبنائے ہرمز کو بارودی سرنگوں سے صاف کرنے کا عمل شروع کر رہے ہیں، سب جانتے ہیں ایران بری طرح جنگ ہار رہا ہے، ایران کی بحریہ اور فضائیہ ختم ہو چکی، دفاعی نظام اب موجود نہیں، ایران کا ریڈار سسٹم، میزائل اور ڈرون بنانے والی فیکٹریاں بڑی حد تک تباہ ہو چکی ہیں۔
یہ بھی پڑھیں: ایران امریکا براہ راست مذاکرات کا پہلا راؤنڈ مکمل، ذرائع
ان کا کہنا تھا کہ ایران کی قیادت بھی اب ان میں موجود نہیں ہے، ایران کے پاس اب صرف سمندری بارودی سرنگوں کی دھمکی باقی رہ گئی ہے، بارودی سرنگیں بچھانے والی ایران کی تمام 28 کشتیاں سمندر برد ہو چکی ہیں۔
امریکی صدر نے کہا کہ دنیا کی خاطرآبنائے ہرمز کو بارودی سرنگوں سے صاف کرنے کا عمل شروع کر رہے ہیں، چین،جاپان، جنوبی کوریا، فرانس اور جرمنی کی خاطر آبنائے ہرمز کلیئر کر رہے ہیں۔
صدر ٹرمپ کا مزید کہنا تھا کہ دیگر ممالک میں یہ خود کرنے کی ہمت اور عزم موجود نہیں، مختلف ممالک کے خالی بحری جہاز تیل لینے کے لئے امریکا کا رخ کر رہے ہیں، خالی آئل ٹینکرز بڑی تعداد میں امریکا کی جانب رواں دواں ہیں۔
