اپنے تازہ بیان میں انہوں نے واضح کیا کہ امریکی حکمت عملی کا بنیادی مقصد ایران کی حکومت کو کمزور کرنا تھا، جس میں بڑی حد تک کامیابی حاصل ہو چکی ہے۔
جے ڈی وینس نے کہا کہ صدر ڈونلڈ ٹرمپ ایران کے ساتھ جاری کشیدگی کو کچھ عرصہ مزید برقرار رکھنا چاہتے ہیں تاکہ طے شدہ اہداف مکمل طور پر حاصل کیے جا سکیں۔
انہوں نے کہا کہ امریکا کسی طویل جنگ کا خواہاں نہیں بلکہ محدود مدت میں اپنے مقاصد کے حصول کے بعد خطے سے نکلنے کی پالیسی پر عمل پیرا ہے۔
امریکی نائب صدر نے اس بات کا بھی اعتراف کیا کہ ایران سے متعلق حالیہ تنازع کے باعث عالمی سطح پر پیٹرولیم مصنوعات کی قیمتوں میں اضافہ دیکھنے میں آیا، تاہم جیسے ہی صورتحال میں بہتری آئے گی، تیل کی قیمتیں بھی معمول پر آ جائیں گی۔
یہ بھی پڑھیں:ایران کو امریکا کیخلاف جدید ٹیکنالوجی کون فراہم کر رہا؟
امریکی بیان خطے میں بدلتی ہوئی حکمت عملی کی عکاسی کرتا ہے، تاہم اس سے کشیدگی کے مکمل خاتمے کے امکانات ابھی واضح نہیں۔
دوسری جانب عالمی برادری مسلسل اس بات پر زور دے رہی ہے کہ تمام فریقین تنازعات کے حل کیلئے سفارتی راستہ اختیار کریں تاکہ خطے میں پائیدار امن قائم ہو سکے۔
