رجب بٹ نے ایمان فاطمہ سے صلح کی خبروں پر خاموشی توڑ دی
رجب بٹ نے اپنے سوشل میڈیا پر جاری اپنی تازہ ویڈیو میں کہا کہ ان کے اور ایمان فاطمہ کے درمیان جو کچھ ہوچکا ہے اس کے بعد اب معاملات پہلے جیسے نہیں ہوسکتے، ان کا کہنا تھا کہ قانونی کارروائی میں وقت ضرور لگتا ہے لیکن طلاق کا عمل مکمل ہو کر رہے گا۔
انہوں نے ان خبروں کو بھی مسترد کیا جن میں دونوں خاندانوں کے درمیان صلح ہونے کا دعویٰ کیا گیا تھا، رجب بٹ کے مطابق اس حوالے سے کی جانے والی باتوں میں کوئی حقیقت نہیں۔
یہ بھی پڑھیں:ڈاکٹر نبیحہ علی کا خلع کے لیے فیملی کورٹ سے رجوع
یوٹیوبر نے کہا کہ وہ اپنے بیٹے کی تمام مالی ذمہ داریاں نبھائیں گے کیونکہ یہ ان کا فرض ہے تاہم ایمان فاطمہ اور ان کے بھائی عون شیخ سے متعلق صلح کے دعوے درست نہیں ہے۔
یاد رہے کہ کچھ عرصہ قبل ایما فاطمہ کے بھائی عون شیخ نے کہا تھا کہ دونوں خاندانوں میں صلح ہوچکی ہے اور یہ فیصلہ والدہ کے مشورے پر بہن اور بچے کے بہتر مستقبل کو مدنظر رکھتے ہوئے کیا گیا۔
رجب بٹ کے تازہ بیان کے بعد سوشل میڈیا پر ایک بار پھر بحث چھڑ گئی ہے۔ بعض صارفین نے سوال اٹھایا کہ اگر صلح نہیں ہوئی تو ایمان فاطمہ کو پھول کیوں بھیجے گئے ؟ جبکہ دیگر کا کہنا تھا کہ حالیہ بیان سے واضح ہوگیا ہے کہ دونوں کے درمیان مفاہمت کا امکان باقی نہیں رہا۔
