صرف 2 ہزار میں الیکٹرک بائیک حاصل کریں، ابھی اپلائی کریں
وزیراعلی پنجاب مریم نواز نے تقریب سے خطاب کرتے ہوئے ای بائیک سکیم کا اعلان کیا اور اس موقع پر 10 سرکاری سکولوں کو نواز شریف سکولز آف ایمننس کا درجہ بھی دیا گیا ہے جبکہ صوبے میں تعلیمی شعبے کی بہتری کیلئے مزید اصلاحات کا اعلان بھی کیا گیا ہے۔
اس سکیم کے تحت طلبہ کو 15 ہزار روپے ڈاؤن پیمنٹ کے بعد تقریباً 2 ہزار روپے ماہانہ بلاسود اقساط پر الیکٹرک بائیک دی جائے گی تاکہ ان پر مالی بوجھ نہ پڑے۔
حکومتی شرائط کے مطابق درخواست دہندہ کا پنجاب ڈومیسائل ہونا، کسی تسلیم شدہ ڈگری کالج یا یونیورسٹی میں زیر تعلیم ہونا، موٹر سائیکل کا ڈرائیونگ لائسنس یا لرنر پرمٹ رکھنا اور کسی رجسٹرڈ گاڑی کا مالک نہ ہونا ضروری ہوگا نیز ہر خاندان سے صرف ایک فرد اس سکیم سے فائیدہ اٹھا سکے گا۔
یہ بھی پڑھیں: پیٹرول کی قیمت میں تبدیلی کا نیا فارمولا کیسے کام کریگا؟
درخواستیں صرف پنجاب حکومت کے آن لائن پورٹل https://bikes.punjab.gov.pk/ کے ذریعے وصول کی جائیں گی جہاں امیدوار اپنی ذاتی معلومات اور مطلوبہ دستاویزات اپ لوڈ کرکے درخواست جمع کرا سکیں گے۔ بعد ازاں، شفاف کمپیوٹر قرعہ اندازی کے ذریعے کامیاب امیدواروں کا انتخاب کیا جائے گا۔ حکام نے طلبہ کو ہدایت کی ہے کہ وہ غیر سرکاری ویب سائٹس یا ایجنٹوں سے گریز کریں اور صرف سرکاری پورٹل کے ذریعے درخواست جمع کرائیں۔
حکومت پنجاب نے یہ بھی اعلان کیا ہے کہ اسی پروگرام کے تحت صوبے بھر کی طالبات کو مفت الیکٹرک بائیکس فراہم کی جائیں گی جبکہ ہر تحصیل میں نواز شریف اسکولز آف ایمننس، سرکاری سکولوں کی جدید کاری اور اے آئی لیبارٹریز کے قیام پر بھی کام کیا جائے گا۔
