امریکی نشریاتی ادارے سی این این کے مطابق امریکی جنگی طیارے ایف 35 کو ایرانی حملے میں نقصان پہنچا اور اس نے مشرق وسطیٰ میں فوجی اڈے پر ایمرجنسی لینڈنگ کی ہے۔ اس معاملے سے واقف دو ذرائع نے سی سی این کو بتایا کہ ایک امریکی F-35 لڑاکا طیارے نے مشرق وسطیٰ میں امریکی فضائی اڈے پر ہنگامی لینڈنگ کی جب اسے ایرانی فائر کا نشانہ بنایا گیا۔
یہ بھی پڑھیں: اسرائیل نے علی لاریجانی شہید کا سراغ کیسے لگایا؟
امریکی سینٹرل کمانڈ کے ترجمان کیپٹن ٹم ہاکنز نے کہا کہ ففتھ جنریشن کے اسٹیلتھ جیٹ ایران کے اوپر جنگی مشن پر پرواز کر رہا تھا جب اسے ہنگامی لینڈنگ کرنے پر مجبور کیا گیا۔ ہاکنز نے کہا کہ طیارہ بحفاظت لینڈ کر گیا اور واقعے کی تحقیقات جاری ہیں۔ ہاکنز نے مزید کہا کہ طیارہ بحفاظت لینڈ کر گیا، اور پائلٹ کی حالت مستحکم ہے یہ واقعہ زیر تفتیش ہے۔
یہ واقعہ فروری کے آخر میں شروع ہونے والی جنگ میں پہلا موقع ہو گا جب ایران نے امریکی ایف 35 طیارے کو نشانہ بنایا ہے۔ امریکہ اور اسرائیل دونوں تنازعات میں F-35 پرواز کر رہے ہیں۔ طیارے کی قیمت 100 ملین ڈالر سے زیادہ ہے۔
