واقعے کے بعد قانون نافذ کرنے والے اداروں نے فوری کارروائی کرتے ہوئے حملہ آور کو گرفتار کر لیا، جس کے بعد علاقے میں حفاظتی انتظامات مزید سخت کر دیے گئے ہیں۔

رپورٹس کے مطابق فاروق عبداللہ جموں میں ایک شادی کی تقریب میں شرکت کے بعد واپس جا رہے تھے کہ اسی دوران ایک مسلح شخص نے قریب سے ان پر گولی چلا دی۔ موقع پر موجود پولیس اور دیگر اہلکاروں نے فوری ردعمل دیتے ہوئے حملہ آور کو قابو میں لے لیا، حملہ آور کو تحویل میں لے کر اس سے پوچھ گچھ کی جا رہی ہے۔

اطلاعات کے مطابق فائرنگ کا یہ واقعہ جموں کے ایک علاقے میں پیش آیا جہاں شادی کی تقریب جاری تھی۔ اس موقع پر فاروق عبداللہ کے ہمراہ موجود جموں و کشمیر کے نائب وزیر اعلیٰ بھی محفوظ رہے اور کسی قسم کا جانی نقصان نہیں ہوا۔

ASSASSINATION ATTEMPT IN OCCUPIED KASHMIR: Farooq Abdullah Survives Close-Range Gun Attack in Jammu 🚨

Farooq Abdullah, former Chief Minister of Occupied Jammu and Kashmir and president of the IIOJK National Conference, narrowly escaped an assassination attempt while attending a… pic.twitter.com/oybUez8O64

— Eagle Eye (@zarrar_11PK) March 11, 2026

حکام کے مطابق حملہ آور نے صرف ایک گولی چلائی تاہم خوش قسمتی سے وہ کسی کو نہیں لگی، واقعے کے فوراً بعد علاقے کو گھیرے میں لے لیا گیا اور حفاظتی انتظامات مزید بڑھا دیے گئے تاکہ کسی بھی ناخوشگوار صورتحال سے بچا جا سکے۔

یہ بھی پڑھیں:پاسداران انقلاب کا آبنائے ہرمز میں تین بحری جہازوں پر حملے کا دعویٰ

پولیس حکام کا کہنا ہے کہ واقعے کی مکمل تحقیقات شروع کر دی گئی ہیں، حملہ آور کے محرکات جاننے کی کوشش کی جا رہی ہے۔

سیاسی اور سماجی حلقوں نے اس واقعے پر تشویش کا اظہار کرتے ہوئے اہم شخصیات کے تحفظ کیلئے مزید مؤثر اقدامات کرنے کا مطالبہ کیا ہے۔