میری ٹائم سکیورٹی ایجنسی کے مطابق میزائل یا پروجیکٹائل حملوں کا نشانہ بننے والوں میں تھائی لینڈ، جاپان اور مارشل آئی لینڈ کے پرچم بردار جہاز شامل ہیں،ایک جہاز کو آبنائے ہرمز میں دبئی کے قریب جبکہ دوسرے کو عمان کے ساحل سے تقریباً 11 ناٹیکل میل دوری پر نشانہ بنایا گیا۔
رپورٹ کے مطابق حملے کے نتیجے میں جہازوں میں آگ بھڑک اٹھی، جس پر قابو پا لیا گیا تاہم حملے میں عملہ محفوظ ہے۔
آج تین جہازوں کے نقصان کے ساتھ امریکا ایران تنازع کے آغاز سے اب تک خطے میں حملوں کی زد میں آ کر نقصان اٹھانے والے بحری جہازوں کی تعداد کم از کم 14 ہوگئی۔
واضح رہے کہ ہرمز ایک انتہائی تنگ آبنائے ہے جہاں سے خلیج سے آنے والے تمام جہازوں کو گزرنا پڑتا ہے، کئی روز سے ایران کے حملوں کی وجہ سے آبنائے ہرمز میں جہازوں کی آمدورفت تقریباً رک گئی ہے۔
یہ بھی پڑھیں: ایران کے میزائل حملوں کی نئی لہر، امریکی و اسرائیلی مراکز نشانہ
آبنائے ہرمز سے روزانہ لاکھوں بیرل تیل سے لدے جہاز گزرنا معمول تھاتاہم آبنائے ہرمز کی بندش کے بعد عالمی آئل مارکیٹ میں تیل کی سپلائی تعطل آیا ہےجس کے بعد قیمتیں بلندترین سطح پر پہنچ گئی ہیں۔
یاد رہے کہ ایران کے پاسداران انقلاب کیجانب سے خبردار کیا گیا تھا کہ کہ ایران کے صوبہ ہرمزگان سے جڑی اس آبنائے سے گزرنے والے کسی بھی جہاز کو نشانہ بنایا جائے گا۔
دوسری جانب امریکی صدر ڈونلڈ ٹرمپ نے دھمکی دی کہ اگر ایران نے آبنائے ہرمز میں رکاوٹیں کھڑی کیں تو امریکا اس پر 20 گنا برے حملے کرے گا، صدر ٹرمپ کی اس دھمکی کے جواب میں پاسداران انقلاب نے ایک بار پھر کہا کہ وہ آدھا لٹر تیل بھی آبنائے ہرمز سے گزرنے نہیں دیں گے۔
