چینی حکام کا کہنا ہے کہ خطے میں بڑھتی ہوئی کشیدگی نہ صرف مشرقِ وسطیٰ بلکہ عالمی امن کیلئے بھی خطرہ بن سکتی ہے۔
چین کے وزیر خارجہ وانگ ای نے اپنے بیان میں کہا کہ یہ جنگ ہونی ہی نہیں چاہیے تھی، طاقت کا استعمال کسی مسئلے کا حل نہیں ہو سکتا۔
انہوں نے کہا کہ ایران میں حکومت کی تبدیلی کے کسی بھی منصوبے کو عالمی سطح پر قبولیت حاصل نہیں ہوئ، ایسے اقدامات خطے میں مزید عدم استحکام کا باعث بن سکتے ہیں۔
چینی وزیر خارجہ نے اس بات پر بھی زور دیا کہ ایران اور خلیجی ممالک کی سلامتی اور خود مختاری کا مکمل احترام کیا جانا چاہیے، تمام فریقین کو چاہیے کہ وہ جنگ کو مزید پھیلنے سے روکیں اور تنازعات کے حل کیلئے سفارتی راستہ اختیار کریں۔
یہ بھی پڑھیں:آیت اللہ خامنہ ای کے بنکر کو نشانہ بنانے کی ویڈیو جاری
چین نے عالمی برادری خصوصاً بڑی طاقتوں پر زور دیا کہ وہ خطے میں کشیدگی کم کرنے اور امن کے قیام کیلئے تعمیری کردار ادا کریں تاکہ صورتحال مزید خراب نہ ہو۔
یاد رہے کہ اس سے قبل روس نے بھی ایران پر امریکہ اور اسرائیل کے حملوں کی مذمت کرتے ہوئے فوری جنگ بندی کا مطالبہ کیا تھا۔
