امریکی صدر ڈونلڈ ٹرمپ نے افغان رجیم کے خلاف پاکستان کی بھرپور جوابی کارروائی کی حمایت کردی۔
پاک افغان جنگ پر ردعمل دیتے ہوئے امریکی صدر ڈونلڈ ٹرمپ کا کہنا تھا کہ پاکستان افغانستان کے ساتھ بہت اچھا کر رہا ہے میں مداخلت نہیں کروں گا، پاکستان بہت شاندار طریقے سے آگے بڑھ رہا ہے۔
امریکی صدر نے کہا کہ پاکستان کے وزیراعظم اور عظیم فیلڈ مارشل کی بہت عزت کرتا ہوں، پاکستان کے پاس عظیم وزیراعظم اور جنرل ہیں ، عظیم قیادت ہے۔
یہ بھی پڑھیں: پاکستان کی افغان جارحیت کیخلاف جوابی کارروائی، مزید چیک پوسٹیں تباہ
واضح رہے کہ امریکی صدر ڈونلڈ ٹرمپ اس سے پہلے بھی کئی مواقعوں پر فیلڈ مارشل سید عاصم منیر کو عظیم فائٹر قرار دے چکے ہیں۔
علاوہ ازیں امریکی صدر نے کہا کہ ایران ایٹمی ہتھیار نہیں رکھ سکتا، ایران سے خوش نہیں ہوں مگر جمعے تک مزید مذاکرات متوقع ہیں، ایران کے ساتھ ڈیل بنانا چاہتا ہوں۔
ان کا مزید کہنا تھا کہ ایران کے خلاف طاقت استعمال نہیں کرنا چاہتا مگر کبھی کبھار طاقت استعمال کرنا پڑتی ہے۔
