ایپل کمپنی کا آئی فون 17 کی لانچ کی تاریخ کا اعلان
 ایپل کمپنی نے آئی فون 17 کی لانچنگ تاریخ کا اعلان کردیا۔
فائل فوٹو
کیلیفورنیا: (ویب ڈیسک) ایپل کمپنی نے آئی فون 17 کی لانچنگ تاریخ کا اعلان کردیا۔

رپورٹس کے مطابق آئی فون 17 سیریز میں چار ماڈلز شامل کیے گئے ہیں جن میں آئی فون 17، آئی فون 17 ایئر، آئی فون 17 پرو اور آئی فون 17 پرو میکس شامل ہیں، آئی فون 17 ایئر کو کمپنی اب تک کا سب سے سمارٹ اور کم وزن فون بنانے جا رہی ہے ۔

آئی فون 17 کے پرو ماڈلز میں بہتر کیمرہ، نئی A19 پرو چِپ، جدید ڈسپلے اور زیادہ طاقتور بیٹری دیے جانے کا امکان ہے،آئی فون 17 پرو میکس میں پہلی بار ہزار ایم اے ایچ کی پاور فل بیٹری دیے جانے امکان ظاہر کیا جارہا ہے۔

اگر بات کی جائے ایپل کے نئے ماڈل کی لانچ کی تاریخ تو ایپل کی جانب سے 9 ستمبر 2025 کو امریکی ریاست کیلیفورنیا کے ایپل کے ہیڈکوارٹر میں تقریب کا انعقاد کیا جائے گا جس میں آئی فون 17 سیریز کے ساتھ نئی ایپل واچز، ایئر پاڈز پرو اور دیگر ڈیوائسز متعارف کرائی جائیں گی۔

یہ بھی پڑھیں: آئی فون 17 پرو اور پرو میکس کا نیا ڈیزائن لیک، بڑی تبدیلیاں

کمپنی کے مطابق تقریب کا آغاز امریکی وقت کے مطابق صبح 10 بجے ہو گا اور یہ تقریب ایپل کی آفیشل ویب سائٹ اور یوٹیوب چینل پر براہِ راست نشر کی جائے گی۔

رپورٹ میں بتایا گیا ہے کہ آئی فون 17 سیریز کے پری بکنگ 12 ستمبر 2025 سے شروع ہو گی جبکہ عالمی سطح پر فروخت 19 ستمبر 2025 کے قریب متوقع ہے، اس کے ساتھ ہی تمام نئے آئی فونز تازہ ترین آپریٹنگ سسٹم iOS 26 پر چلیں گے۔

تقریب میں ایپل واچ سیریز 11 اور ایپل واچ الٹرا 3 بھی پیش کیے جانے کی باتیں گرش میں ہیں جبکہ ایئر پاڈز پرو 3 بھی متعارف کرائے جانے کا امکان ہے جن میں ہارٹ بیٹ کی ٹریکنگ جیسی نئی خصوصیات شامل ہوں گی۔

ٹیک ماہرین کا کہنا ہے کہ ایپل اپنے اس ایونٹ میں دیگر مصنوعات جیسے ایپل ٹی وی اور ہوم پاڈ کے نئے ماڈلز بارے بھی اعلانات کر سکتا ہے۔