ایمباپے نے میسی کا بڑا ریکارڈ چھین لیا
مجموعی طور پر ورلڈ کپ کی تاریخ میں ان کے گولز کی تعداد 22 بتائی جا رہی ہے، جس کے بعد وہ لیونل میسی کو پیچھے چھوڑنے کے دعوے کے ساتھ خبروں کی زینت بن گئے ہیں۔
رپورٹس کے مطابق ارجنٹینا کے کپتان لیونل میسی کے ورلڈ کپ میں مجموعی گولز کی تعداد 21 بتائی جا رہی ہے، جبکہ ایمباپے نے 22 گولز کے ساتھ اس ریکارڈ کو عبور کرنے کا دعویٰ کیا ہے۔ اگر یہ اعداد و شمار برقرار رہے تو فرانسیسی سپر اسٹار ورلڈ کپ کی تاریخ کے سب سے زیادہ گول کرنے والے کھلاڑی بن جائیں گے۔
دوسری جانب ورلڈ کپ 2026 کے گولڈن بوٹ کی دوڑ بھی دلچسپ مرحلے میں داخل ہو چکی ہے، ایمباپے 10 گولز کے ساتھ سرفہرست ہیں، جبکہ لیونل میسی 8 گولز کے ساتھ دوسرے نمبر پر موجود ہیں۔ چونکہ ٹورنامنٹ کا فائنل ابھی باقی ہے، اس لیے گولڈن بوٹ کی دوڑ میں مزید دلچسپ مقابلے کی توقع کی جا رہی ہے۔
اگر ایمباپے اپنے اس اعزاز کو برقرار رکھنے میں کامیاب ہوتے ہیں تو گولڈن بوٹ اپنے نام کرنے میں کامیاب ہو جائیں گے، یہ ان کے کیریئر کا ایک اور بڑا اعزاز ہوگا۔ اس کامیابی کے ساتھ وہ ایک ہی سیزن میں گولڈن بوٹ کے تین بڑے ٹائٹل جیتنے والے کھلاڑی بھی بن سکتے ہیں۔
یہ بھی پڑھیں:جبرالٹر اور سپین کے درمیان سرحدی باڑ ختم
فٹبال شائقین کی نظریں اب ورلڈ کپ کے فائنل پر مرکوز ہیں، جہاں نہ صرف عالمی چیمپئن کا فیصلہ ہوگا بلکہ گولڈن بوٹ کی دوڑ کا بھی حتمی نتیجہ سامنے آئے گا۔
