فیفا ورلڈ کپ: جنوبی افریقہ اور چیکیا کے درمیان سنسنی خیز میچ 1-1 گول سے برابر
رپورٹ کے مطابق چیک ریپبلک نے میچ کا شاندار آغاز کیا اور سادیلیک نے چھٹے منٹ میں گول اسکور کر کے اپنی ٹیم کو برتری دلا دی ، یہ گول سوئکا کے ساتھ بہترین کمبینیشن کے بعد آیا جبکہ شیک ایک آسان ہیڈر ضائع کر چکے تھے۔
دوسرے ہاف میں بھی چیک ریپبلک نے مسلسل حملے جاری رکھے اور دباؤ برقرار رکھا تاہم شیک ایک بار پھر اہم موقع ضائع کر بیٹھے اور برتری دوگنا نہ کر سکے۔
جنوبی افریقہ نے گول برابر کی کوششیں جاری رکھیں اور ان کی محنت اس وقت رنگ لائی جب موکوینا نے میچ کے اختتام سے سات منٹ قبل پنالٹی پر گول کیا۔
یہ بھی پڑھیں: فیفاورلڈ کپ، ناروے نے عراق کو 1-4 سے شکست دے دی
یہ پنالٹی ماسیگو کے شاٹ کے بعد ملی جو سولچ کے ہاتھ سے لگ گئی، اس فیصلے نے میچ کا رخ بدل دیا اور چیک ریپبلک کی جیت کے امکانات ختم کر دیے۔
اس میچ کے بعد دونوں ٹیموں کے دو میچوں میں ایک ایک پوائنٹ ہو گیا ہے جبکہ میکسیکو اور جنوبی کوریا، جو اسی گروپ میں ہیں اپنے پہلے میچ میں تین پوائنٹس حاصل کر چکے ہیں۔
