آسٹریلیا کیخلاف ون ڈے سیریز کیلئے قومی سکواڈ کا اعلان

 پاکستان کرکٹ ٹیم کی قیادت شاہین شاہ آفریدی کریں گے، جبکہ سلمان علی آغا کو نائب کپتان مقرر کیا گیا ہے،  سکواڈ میں بابر اعظم، حارث رؤف، نسیم شاہ، شاداب خان اور سفیان مقیم بھی شامل ہیں۔

 پاکستانی ٹیم میں نوجوان کھلاڑی احمد دانیال، عرفات منہاس اور روحیل نذیر کو بھی شامل کیا گیا ہے، محمد غازی غوری اور روحیل نذیر کو وکٹ کیپر بیٹرز کے طور پر اسکواڈ کا حصہ بنایا گیا ہے۔

پاکستان کرکٹ بورڈ (پی سی بی) کے مطابق عثمان خان بیماری کے باعث آسٹریلیا کیخلاف سیریز کیلئے زیر غور نہیں آئے جبکہ فخر زمان اور صائم ایوب انجری کے باعث تاحال ری ہیبلیٹیشن پروگرام جاری رکھیں گے۔

یہ بھی پڑھیں:پی سی بی کے سینئر اسکورر نجم السعید چل بسے

 16رکنی  سکواڈ میں شاہین شاہ آفریدی (کپتان)، سلمان علی آغا (نائب کپتان)، عبدالصمد، ابرار احمد، احمد دانیال، عرفات منہاس، بابر اعظم، حارث رؤف، معاذ صداقت، محمد غازی غوری، نسیم شاہ، روحیل نذیر، صاحبزادہ فرحان، شاداب خان، شامل حسین اور سفیان مقیم شامل ہیں۔