پاک آسٹریلیا ون ڈے سیریز، ٹکٹس کی فروخت کا شیڈول جاری
پی سی بی کے مطابق پاکستان اور آسٹریلیا کے درمیان تین ون ڈے انٹرنیشنل میچز کی سیریز کے ٹکٹس 22 مئی سے فروخت کے لیے دستیاب ہوں گے۔
اعلامیہ میں کہا گیا کہ شائقین 22 مئی دوپہر تین بجے سے آن لائن ٹکٹ pcb.tcs.com.pk سے خرید سکیں گے جبکہ فزیکل ٹکٹ 22 مئی سے ٹی سی ایس کے 16 ایکسپریس سینٹرز پر دستیاب ہوں گے۔
پی سی بی اعلامیہ میں بتایا گیا کہ لاہور میں آٹھ، راولپنڈی میں پانچ جبکہ اسلام آباد میں تین ٹی سی ایس سینٹرز پر میچز کے ٹکٹس دستیاب ہوں گے۔
واضح رہے کہ پاکستان اور آسٹریلیا کے درمیان تین ایک روزہ میچز کی سیریز کا پہلا ون ڈے انٹرنیشنل میچ 30 مئی کو راولپنڈی کرکٹ سٹیڈیم میں کھیلا جائے گا۔
یہ بھی پڑھیں: پہلا ٹیسٹ، بنگلہ دیش نے پاکستان کو 104 رنز سے ہرا دیا
سیریز کے دوسرے اور تیسرے ون ڈے انٹرنیشنل میچ میں دونوں ٹیمیں بالترترتیب 2 اور 4 جون کو قذافی سٹیڈیم لاہور میں مدمقابل آئیں گی۔
تینوں ون ڈے انٹرنیشنل میچز کا آغاز شام 4 بج کر 30 منٹ پر ہو گا، شائقین کی سہولت کے لیے ٹکٹوں کی قیمت صرف 200 روپے سے شروع ہو گی۔
